Аймгийн Засаг даргын даваа гарагийн энэ долоо хоногийн шуурхай зөвлөгөөн Нутгийн удирдлагын ордонд бус аймгийн Эрүүл мэнд, нийгмийн даатгалын хэлтсийн хурлын зааланд болж бууриа сэлгэлээ. Эрүүл мэнд, нийгмийн даатгалын хэлтсээс хийж хэрэгжүүлж байгаа тэргүүн туршлагатай танилцах, улмаар зургаан минутын шторкыг үзүүлэх гэж хааш хаашаагаа 5х6 хэмжээтэй дөрвөн хананы дунд энэ удаагийн шуурхай зөвлөгөөн болсон. Хэвлэлийнхний хувьд суух суудал бүү хэл хөл тавих зайгүй байсны зэрэгцээ агааржуулалт байхгүй зэргээс болж нэгэн телевизийн зураглаач агаарын дутагдалд орж муужран унаж сандаргасан. Хэвлэлийнхэн ч журмын нөхрөө тэр даруй заалнаас өргөн гаргаж агаар амьсгалуулснаар алтан амийг нь “аварсан”. Нийтдээ 30 метр кв-т талбайд нас биед хүсэн 100 шахам хүн цаг гаруй бөөгнөрөх нь аюул, эрсдэл дагуулж болохыг дарга нарт дуулгамаар байна. Аймгийн ЗДТГ-ын Төрийн захиргаа, удирдлагын хэлтсийн шуурхайн цаг бүртгэгчээс эхлээд “суух суудал байхгүй, та нар багтахгүй” гэж хөөж туусан ч хэвлэл мэдээллийн байгууллагынхан иргэдэд мэдээлэл хүргэх үүрэгтээ үнэнч учраас яаж хөөж тууж байсан хатавчны хавьд багталцаж дөнгөсөн. Гэхдээ л цаашдаа шуурхай хуралдаан бууриа сэлгэх үед оролцогчдынхоо эрүүл ахуйн асуудлыг нь тооцохгүй бол нэг даргын тэргүүн туршлагыг дэлгэрүүлэхийн тулд хэн нэгний амь насыг эрсдэлд оруулах шаардлага байна уу. [sgmb id="1"]