Орхон аймгийн нийгмийн даатгалын хэлтсээс хэрэгжүүлж байгаа төсөл хөтөлбөрүүд, ажлын үр дүнгээ танилцууллаа.  Нийгмийн даатгалын хэлтэс нь төрийн үйлчилгээг иргэдэд улам ойртуулахын тулд үйл ажиллагаандаа шинэ төсөл хэрэгжүүлсэн байна. Тухайлбал, “Ухаалаг ажлын байр төсөл”-өөр нийгмийн даатгалын үйлчилгээг олон шат дамжлагатай авдаг байсныг халжээ. Өөрөөр хэлбэл даатгуулагч нэг үйлчилгээг авахын тулд дунджаар 30-40 минут зарцуулж, олон байцаагчаас гарын үсэг тодорхойлолт авах шаардлагатай болдог. Тэгвэл даатгуулагч зөвхөн нэг байцаагчаас даатгалын үйлчилгээг авах боломжийг бүрдүүлж өгчээ. Нийгмийн даатгалын хэлтэс нь төрийн үйлчилгээг шуурхай болгох зорилгоор иргэдийн санал хүсэлт авах, мэдээлэл өгөх, шуудан үйлчилгээний захиалга авах 7035-6699 утсыг ажиллуулж эхэлсэн байна.  Мөн Нийгмийн даатгалын төсөл хөтөлбөрөөр нийгмийн даатгалын үйлчилгээг сурталчлан таниулах ажлыг хийжээ. Үүний үр дүнд 2018 онд монгол улсын хэмжээнд сайн дурын даатгуулагчийн тоо буурсан ч зөвхөн манай аймагт сайн дурын даатгуулагчийн тоо өссөн гэдгийг онцоллоо. Тиймээс цаашид Нийгмийн даатгалын хэлтсээс  “Ухаалаг ажлын байр” төсөл хөтөлбөр болон бусад хөтөлбөрийг хэрэгжүүлнэ гэдгээ мэдээллээ. “Ухаалаг ажлын байр” төсөл хэрэгжихээс өмнө үйлчлүүлэгч тэтгэвэр тогтоолгохын тулд 4-5 дамжлагаар үйлчилгээ авдаг байсныг халж, 20 минутанд бүх үйлчилгээг авах боломжтой болжээ. А.Чимэг[sgmb id="1"]