Хэл зүйн хувьд хэлбэржээгүй, боловсролын хувьд “ногооноороо, шал түүхий юмнууд” дарга болчихоод камерын өмнө нэг их мэдэмхий царай гаргаж ирээд л буруу зөвгүй бурах юм. Өмнөөс нь бөгс улайх энэ тэр бол юу ч биш. Аймгийн Засаг даргын даваа гарагийн шуурхай зөвлөгөөн шуурч байна аа. Зөвлөгөөнийг Засаг даргын орлогч А.Түвшинжаргал удирдав. Баян-Өндөр сумын Засаг дарга С.Ганцогт 10 гаруй минут хоцорч орж ирээд өнгөрсөн долоо хоногийнхоо ажлын талаар хийсэн мэдээллээ дуржигнуулав. Түүний мэдээллийг сонсоод тэнд байсан сэтгүүлчдийн нүд орой дээрээ гарч арай л уулга алдсангүй. Даргын мэдээлэлд мал төллөлтийн тухай гарч байна. С.Ганцогт дарга “Сумын хэмжээнд 12696 төрөх ёстой мал төрсөн. Төрсөн малын хорогдол ийм боллоо” гээд л авч өгч байна. Мал төрдөггүй, төллөдөг юм шүү дээ, С.Ганцогт дарга аа. Би л лав “төрөх мал, төрсөн малын хорогдол тэд хүрлээ” гэж ярьж байсан дарга байтугай, монгол хүн ч сонсоогүй дээ. Эсвэл аймгийн Засаг даргын шуурхай дээр хийх мэдээллийг бэлдэж өгдөг С.Ганцогт даргын албатууд мал төллөхийг мал төрдөг гэж ойлгодог юм уу. Түүнийг нь С.Ганцогт дарга шууд л уншаад өнгөрдөг байж таарах нь. https://www.youtube.com/watch?v=JcMuV69M9JY С.Ганцогтын дараа Жаргалант сумын Засаг даргын орлогч Л.Учрал мэдээлэл хийхдээ яг энэ сэдвийг хөндсөн. Жаргалант сумын хэмжээнд мал төллөлт, төл бойжилт ямар байгаа, төл малын хорогдол хэд хүрсэн талаар эрдэнэтчүүдэд дуулгасан. Л.Учралын мэдээллээс малчны хот, малын өтөг бууцны үнэр ханхийх шиг л болсон. Гэтэл С.Ганцогт даргын ярьж, хэлж буйгаас харвал түүнийг “монгол хүн” гэдэгт ч эргэлзэх шиг. Намын нэрээр, наагуур цаагуур гүйж байгаад Баян-Өндөр сумын Засаг дарга болсон тэрбээр “мал төрдөг, төрсөн малын хорогдол тэд хүрлээ” гээд ярьж байгааг үнэндээ ойлгохгүй байна. Ер нь Баян-Өндөрчүүд намын батлахтай, аймгийн ИТХ-ын төлөөлөгчөөр сумаа удирдуулах ёстой юм гэж үү. Баян-Өндөрийн  ИТХ-ын 31 төлөөлөгчөөс энэ сумыг удирдчих монгол хүн алга уу. https://www.youtube.com/watch?v=gAsZ6f50FjM [sgmb id="1"]