“1000 ахмадын чуулга” уулзалтыг нээж “Эрдэнэт үйлдвэр” ХХК-ийн Ерөнхий захирал Х.Бадамсүрэн хэлсэн үгэндээ “...40 жилийн түүхтэй Эрдэнэт үйлдвэрийг бүтээн байгуулсан, түүхт энэ үйлдвэрийнхээ 40 жилийн түүхийг  өөрийн гараар бичилцсэн анхдагч илгээлтийн эзэд, ахмадууддаа Эрдэнэт үйлдвэрийн ерөнхий захиргааны нэрийн өмнөөс болон хувиасаа албан ёсоор гүн хүндэтгэл илэрхийлье. Үйлдвэрт ажиллаж байгаа өнөөгийн залуус, дунд үеийнхэн маань ахмадууд та бүхнийхээ түүхэн гавьяаг мартах учиргүй. Өнөөдөр үйлдвэрийн хэмжээнд гавьяаныхаа амралтанд гарсан 2140 гаруй ахмадууд бий. Тэдний хамгийн өндөр настай нь 90 насыг босгыг хол алхсан ч энх тунх аж төрж үйлдвэрийнхээ ирээдүйн сайн сайхны төлөө санаагаа чилээж суугаа. Мөн 70, 80 насны босгыг алхсан ч сэтгэл зүрхээрээ үйлдвэртэйгээ ямагт хамт байдаг олон зуун ахмадууд бий. Байр савны хүртээмж, багтаамжаас болоод бид тэрхүү 2140 гаруй ахмадуудаа цуглуулж чадсангүй. Тэдний төлөөлөл болсон 1000 ахмадын чуулга уулзалтаа хийж байна. Манай чуулга уулзалтад аймаг, орон нутгийн удирлагууд  Монголын ахмадын холбооны ерөнхийлөгч гээд хүнтэй олон зочин оролцож байна. Өнөөдрийг хүртэлх 40 жилийн түүхийг бичилцсэн ахмадуудын маань бүтээн байгуулж байсан тэр үетэй харьцуулахад нөхцөл байдал хүнд байна. Та бүхний ид хийж бүтээж байсан тэр үед зэсийн агуулга одоогийнхоос хоёр дахин өндөр байлаа. Гэсэн ч бид байдал хүнд байна гээд зүгээр суусангүй. Өртөг зардлаа бууруулж үр ашигтай ажиллаж байна. Өнгөрсөн онд манай үйлдвэрийн хамт олон улсын төсөвт 670 гаруй тэрбум төгрөг төвлөрүүллээ. Өнөөдөр зэсийн үнэ өчигдрийнхөөс 131 ам.доллараар буурсан байна. Хэдийгээр өмнөх хэдэн жилийн хүнд үеийнхийг бодвол зэсийн үнэ ханш тогтвортой байгаа ч зарим тохиолдолд ийм хэмжээний уналт дэлхийн зах зээлд гарч байна. Энэ бүх бэрхшээлийг умартан үйлдвэрийнхээ хэвийн ажиллагааг найдвартай хангаж 40 жилийн хугацаанд бүтээн байгуулсан ахмадуудынхаа түүхэн гавьяаг өнөөгийн уурхайчид үргэлжлүүлж байна. Өнгөрөгч 2017 онд металл авалтын үзүүлэлт 89 хувьд хүрч байсан. Өнөөдөр оны эхний байдлаар металл авалтын үзүүлэлтийг манай үйлдвэрийн хамт олон 90 хувьд хүргэлээ. Энэхүү нэг хувийн өсөлтийн цаана сая сая ам.доллар бий болж байдгийг бид мэднэ. 40 түүхтэй энэ үйлдвэрийн түүхийг бичилцсэн, хоёр гараараа бүтээн байгуулсан ахмадууд та бүхэндээ Эрдэнэт үйлдвэр маань цаашид дахин 60 жил, нэгэн жарны туршид ажиллаж боломж бүрдэж байгаа тухай баярт сайхан мэдээг хүргэж байгаадаа таатай байна. Энэхүү баярт мэдээг та бүхэндээ албан ёсоор дуулгаж байгааг минь хүлээн авна уу” хэмээсэн юм. [sgmb id="1"]