Аймгийн ИТХ-ын ээлжит 11-р хуралдаанаас малчдад төрийн үйлчилгээг ойртуулах, малчдын гаргасан саналыг ажил болгох, аймгийн Засаг даргын үйл ажиллагааны хөтөлбөрт туссан заалтуудыг хэрэгжүүлэх зорилгоор Малчин баг байгуулах асуудлыг хэлэлцээд олонхийн саналаар дэмжлээ. Ингэснээр 2019 оны нэгдүгээр сарын 1-нээс эхлэн Баян-Өндөр суманд Малчин баг байгуулахаар боллоо. Малчин баг байгуулснаар аймгийн төсвөөс 138.2 сая төгрөг гарган малчдад төрийн үйлчилгээг ойртуулах ажлыг хэрэгжүүлэхээр болов. Нутаг дэвсгэрийн хувьд 16 мянган га газарт Малчин багийг хамруулахаар болжээ. 1998 оны аймгийн ИТХ-ын 02 тоот тогтоолоор Малчин багийг анх байгуулжээ. 2014 оны аймгийн ИТХ-ны тогтоолоор Баян-Өндөр сумын Малчин багийг Жаргалантад шилжүүлсэн байна. Үүнээс жилийн дараа 2015 оны арванхоёрдугаар  сард хуралдсан аймгийн ИТХ-аас тогтоол гарган Малчин багийг татан буулгасан байна. [sgmb id="1"]