Элсэлтийн ерөнхий шалгалт тав хоног үргэлжилж өнөөдөр өндөрлөж өайна. Манай аймгийн хувьд энэ удаагийн ЭЕШ ихээхэн өвөрмөц онцлогтой боллоо. Улсын хэмжээнд хөдөө орон нутгаас хоёр аймагт ЭЕШ-ыг шинэ технологир явуулсан. Хуучин ЭЕШ өгч буй шалгуулагчид шалгалтаа өгсөнөөс хойш 14 хоногийн дараа дүнгээ мэдэх боломж бүрдэж байв. Харин энэ удаад техник, технологийн дэвшлийг ашигласнаар шалгуулагчид тухайн хичээлээр өгсөн шалгалтын дүнгээ хоромын дотор мэдэх боломжийг хангасан юм. Ийм дэвшилтэт боломжийг анх удаа хөдөө орон нутагт нэвтрүүлж техникийн дэвшлийг шалгуулагч тэдний эцэг эх, багш сурган хүмүүжүүлэгчдэд танилцуулсан хүн бол Засгийн газрын Хэрэг эрхлэх газрын дэд дарга Б.Бат-Эрдэнэ. Эрдэнэтчүүдийг, Эрдэнэтийн хүүхэд багачуудыг орчин үетэй хөл нийлүүлэн, техник технологийн дэвшилтэй танилцах боломж, бололцоог бий болгосон түүнд багш, сурган хүмүүжүүлэгчид гэлтгүй аймаг, орон нутгийн удирдлагын зүгээс талархлаа илэрхийлж байлаа. ЭЕШ-д “уясан морио” сойсон багш, сурган хүмүүжүүлэгчдийн хувьд ч энэ удаагийн ЭЕШ шинэ технологид суурилсан элдэв хардлага, асуудалгүй шударга болж байгааг онцолж энэ ажлыг Орхон аймагт  анх удаагаа зохион байгуулахад дэмжлэг үзүүлсэн Засгийн газрын Хэрэг эрхлэх газрынханд талархаж байлаа. Б.Ууганзаяа -Шууд дүнгээ сонсдог болсон байна. Энэ жилийн ЭЕШ өмнөх жилүүдээс давуу талтай байна. Ховд аймаг болон  манай аймагт анхны туршилт хийж, шалгалтын оноог өдөрт нь танилцууллаа.  Шалгалт гайгүй байна. Б.Батзаяа: -Багш нарын хараа хяналт сайжирсан байна.  Газар дээр нь дүнгээ гаргах нь зүгээр санагдлаа. Урьдчилсан дүнг харах боломжтой боллоо. М.Анхжаргал: -Дүнгээ шууд харж байгаа нь таалагдлаа. Өөрийн түвшнээ мэдсэний дараа ямар оноо авснаа мэдэж дүгнэлт хийх боломжтой учраас шударга явагдлаа. Г.Намжилмаа: -Хяналтын юм шиг маш хурдан дүн нь гарсан.  Өөрийнхөө хэмжээг мэдсэн учраас гоё байна.  Шалгалтандаа унасан хүүхдүүдийн хувьд хэцүү байгаа.  Миний хувьд дундаж байна. Шалгалтыг үнэн шүүж чадлаа. Ийм шинэ аргаар ЭЕШ-ыг манай аймагт авсан, зохион байгуулсан бүх хүмүүст талархаж байна. [sgmb id="1"] Эцэг эхийн төлөөлөл: -Цахимаар өгч байгаа гэдгээрээ давуу талтай боловч илүү дутуу будсан гэж хүүхдүүд олон алдаж гарч ирж байна гэсэн.  Бусад талаараа давгүй. Газар дээр нь дүнгээ сонсож байна. Эцэг эхчүүд хүүхдүүдээ камераар харчихаж байна.  Гайгүй л болж байх шиг байна. -Ер нь боломжийн санагдлаа. Хүүхдүүд дүнгээ шууд сонсож байна. Эцэг эхчүүдэд ч амар байна. Орчин үеийн шинэ дэвшилтэт аргыг нэвтрүүлсэн тэр “В.В” гэдэг хүнд талархах нь зөв байх.