Аймгийн Засаг даргын даваа гарагийн шуурхай зөвлөгөөн боллоо. Зөвлөгөөнийг Засаг даргын орлогч А.Түвшинжаргал удирдан явуулав. Энэ үеэр хотын ногоон байгууламжийг сүйтгэж байгаа эзэнгүй, хотын төвөөр хариулгагүй бэлчиж буй малыг хэрхэх  тухай ярилцав. Баян-Өндөр сумаас тусгайлан нэг хүнийг энэ чиглэлээр ажиллуулж байгаа ч хотын төвд бэлчих мал тэр бүр дийлдэхгүй байгаа. Бүр сүүлдээ наадам дөхөөд ирэхлээр малчид адуугаа хотын төв рүү зориудаар туудаг болсон хэмээн албаныхан мэдээллээ. Аймгийн Тамгын газрын дарга Д.Соёлчхүү “Бусдыг хайрлахгүй, хүндлэхгүй байгаа малчдыг юунд нь хайрладаг юм бэ. Малчид адуугаа ихээр оруулж ирэх боллоо. Ногоон байгууламжийг сүйтгэж байна. Холбогдох байгууллагынхан энэ тиал дээр анхаарлаа хандуул, ажил хий. Адууг нь хашаад төлбөр ав. Хурдан удмынх энэ тэр байна уу хамаагүй. Адууг нь махлаад зар. Ногоон байгууламжийг сүйтгэсэн хохирлыг барагдуул” хэмээн хатуухан мэдэгдлээ. [sgmb id="1"]