Аймгийн Засаг даргын даваа гарагийн шуурхай зөвлөгөөн дээр орлогч дарга А.Түвшинжаргал ийнхүү бухимдав. Бухимдахаас  ч аргагүй нөхцөл байдал үүссэн талаар тэрбээр ийм тайлбар хийлээ. “Иргэдийн зүгээс тавдугаар хорооллын зарим байрны гадна фасадтай холбоотой гомдол их ирдэг. Хотын байрнуудын гадна фасад будахтай холбоотой 2015-2016 онд “Эрдэнэт үйлдвэр”-ээс 907 сая төгрөгийг манай аймагт ирүүлсэн байдаг. Гэтэл тухайн үеийн аймгийн удирдлага, аймгийн ЗДТГ-ын дарга В.Сумъяасүх, Хуулийн хэлтсийн дарга Мөнхөөгийн Мөнхбаяр нар дээрх мөнгөний 840 сая төгрөгийг захиран зарцуулахдаа бараа, ажил үйлчилгээ худалдан авах тухай буруу гэрээ байгуулаад гаргачихсан. “Эрдэнэт үйлдвэр” санхүүгийн дэмжлэг гэж гаргаад байхад манай нөхдүүд ингэж буруу зүйл заалтаар зарлагадсанаас болж үйлдвэр аймгаас 250 гаруй сая төгрөгийн НӨАТ нэхэмжилсэн. Нэхэж байгаа тэдний зөв ш дээ. Харин 2015-2016 онд аймгийг удирдаж байсан дээрх нөхдүүд энэ мөнгийг төлөх ёстой. Дээрх нөхөд бүгд Эрдэнэтэд эрүүл саруул аж төрж байгаа. НӨАТ-өөр нэхэмжилсэн 250 сая төгрөгийг тэр хүмүүсээс гаргуул. М.Мөнхбаяр төрд ажиллаж байгаа. Энэ хүмүүсийн буруутай үйл ажиллагаанаас болж бид 250 сая төгрөгийн НӨАТ төлөх ёсгүй. Хуулийн хэлтсийнхэн М.Мөнхбаяр нарыг тэр шүүхэд нь өг л дөө. В.Сумъяасүх, М.Мөнхбаяр нарын гарын үсэг нь байгаа. Хариуцлага тооцох ёстой” гэлээ. Мөн цааш нь “Ер нь 2014-2016 оны хооронд “Эрдэнэт үйлдвэр” газар ашигласны төлбөрт 5 тэрбум төгрөг аймагт өгсөн байдаг. Гэтэл өмнөх нөхдүүд тэр мөнгийг аймгийн ИТХ-ын хуралдаанаар оруулж, захиран зарцуулах шийдвэр гаргаагүй. Ядаж л ямар ажилд зарцуулах тухай хэлэлцээгүй. Фасад будна гэдэг шийдвэрийг өөрсдөө гаргаад л явсан. Тэрхүү 5 тэрбум төгрөгийг эргүүлээд “Эрдэнэт үйлдвэр”-ийн РСЦ компанийн Батцэнгэл гэдэг нөхөрт л өгсөн шүү дээ. Фасадны эргэн тойронд ийм л юм өрнөсөн. 907 сая төгрөгийн 60 гаруй сая төгрөг нь ор сураггүй болчихсон. Үйлдвэрээс 907 сая төгрөг дансаар орж ирсэн. 840 сая төгрөг нь бараа, ажил үйлчилгээ нэрээр гараад явчихсан. Үлдсэн 60 гаруй сая төгрөг нь байхгүй. Бүр сураггүй болсон. Үүнийг ч гэсэн  шалгуулах хэрэгтэй. Фасад будах ажлыг эхнээс нь эмх цэгцтэй хийсэн бол энэ талын гомдол иргэдээс ирэхгүй байсан. Одоо болтол гомдол тасрахгүй байгаа”  хэмээн мэдэгдсэн юм. [sgmb id="1"]