Зураг дээр доктор, профессор Ж.Цэвээнжав[sgmb id="1"] “Эрдэнэт үйлдвэр 40” эрдэм шинжилгээний бага хурлын “Эрдэнэтийн овооны геологи хайгуулын судалгаа” салбар хуралдаанд Эрдэнэтийн овооны геологи хайгуулын ангийн геологич Х.Амарзаяа нэгэн сонирхолтой илтгэл тавьсан юм. Түүний “Эрдэнэтийн овооны геологи хайгуулын судалгаа” илтгэлээ Эрдэнэтийн овооны хайгуулын судалгааг таван үе шатанд хуваан авч үзжээ. Үүнд, Хайгуулын нэгдүгээр үе шат: Эрэл хайгуулын ажил уурхайн дүүргийн үйлдвэрийн барилга угсралт бүтээн байгуулалт Хайгуулын хоёрдугаар үе шат: Нарийвчилсан хайгуул, хүдрийн нөөцийг тооцох, ТЭЗҮ боловсруулах Хайгуулын гуравдугаар үе шат: Ашиглалтын хайгуул, хайгуулын тусгай зөвшөөрлийн талбайнуудад гүйцэтгэх эрэл үнэлгээний ажил Хайгуулын дөрөвдүгээр үе шат: Гүйцээх хайгуул, төслийн +905 м уурхайн хүрээнд хайгуулын торыг нягтруулах, нөөцийн ангиллын зэргийг дээшлүүлэх Хайгуулын тавдугаар үе шат: Гүний хайгуул, хүдрийн нөөц баялгийг нэмэгдүүлэх, хил заагийг тогтоох гэсэн таван үе болгосон байна. Геологич Х.Амарзаяагийн илтгэлд “1981-1985 онд Эрдэнэт хот дахь геологийн анги Зөвлөлтийн геологич В.Н.Гончаровын удирдлагаар Шанд, Оюут, Цагаанчулуут, Хужирын гол, Зөөхийн голын зэсийн илрэлүүд дээр эрэл үнэлгээний ажил хийсэн. Энэ ажлын үр дүнд Шандад газрын гадаргуугаас 200-250 метр газрын гүнд ядуувтар зэсийн агуулгатай хүдрийн биет байгааг илрүүлж, 115.2 сая тонн хүдэртэй нөөцийг тогтоож байсан”  гэсэн нэгэн сонирхолтой түүхийг өгүүлсэн юм. Түүний илтгэлээс харвал одоогийн Шанд баг, Цагаанчулуут баг, Оюут багийн нутаг дэвсгэрийн орчим геологи хайгуулын судалгааг хийж  түүний үр дүнд ядуувтар зэсийн агуулгатай илэрцээс гадна тодорхой хэмжээний боломжийн нөөцтэй хүдрийн илэрц байгааг ч тогтоож байжээ.