Өвөлжилтийн бэлтгэл ажлын хүрээнд яригддаг нэг сэдэв бол гэр хорооллын иргэдийн хувьд түлээний мод тойрсон асуудал. Өвөл наашилж яваа энэ цагт л гэхэд шөнөдөө цас ороод хоновол маргааш нь модны зах дээр нэг портер түлээний мод  өмнөх өдрийнхөөс даруй 50-60 мянган төгрөгөөр нэмэгдчихдэг. “Авбал ав, авахгүй бол бай” гэхлээр нь  гаднаа модгүй, цас орчихсон тэр цагт иргэд аргагүйн эрхэнд модны ченжүүдийн аманд багтаж хэлсэн үнээр нь портер мод худалдан авдаг. Баян-Өндөр сумаас иргэдийнхээ модны нийлүүлэлтийг хангахын зэрэгцээ үнийн асуудал дээр анхаарч байгаа аж. Модны захуудын удирдлагуудтай ярьж тохирч нэг метр куб модыг 50 мянган төгрөгөөс хэтрүүлэхгүй байхаар гэрээ байгуулжээ. Ямар сайндаа л сумын Засаг дарга С.Ганцогт иргэддээ хандаж “ ...нэг метр куб модыг 50 мянган төгрөгөөс хэтрүүлэхгүй. Хэтэрсэн байвал та бүхэн битгий худалдан аваарай. Захын удирдлагууд бидэнтэй 50 мянгаас хэтрүүлэхгүй байхаар гэрээ байгуулсан шүү” хэмээн анхаарууллаа. Мөн тэрбээр, гэрээгээр хүлээсэн үүргээ биелүүлдэггүй, үнээ нэмдэг “Буянт хангай”, Бугатын модны захуудыг хаана. Шинээр гурван газарт түлээний зах байгуулсан байгаа гэж мэдэгдлээ. [sgmb id="1"] https://youtu.be/Y44dswkVyQI