Хотын захирагчийн албаны дарга М.Түмэнжаргал аймгийн Засаг даргын шуурхай дээр Боловсрол, соел, урлагийн газрын удирдлага болох М.Бат-Амгаланд хандаж дээрх үгийг хэлсэн юм. Сүүлийн жилүүдэд сургууль, цэцэрлэгийн удирдлагууд асуудлаа шийдүүлэхийн тулд ном журмынх нь дагуу биш, хүүхэд, эцэг эхчүүдийн нэр, эрх ашгийг барьж Хотын захирагчийн албаныхныг “нуман тулгуур”-т оруулдаг гэнэ. Боловсрол, соёл, урлагийн газар нь дэргэдээ мэргэжлийн төсөвчинтэй аж. Тэрхүү төсөвчин нь төсвийн жилдээ, хөрөнгө мөнгөндөө тохируулан төлөвлөлтөө хийх ёстой атал ажлаа мэддэггүй юм уу эсвэл мэдсэн ч өөр аргаар үзээд алдах нь үр өгөөжтэй байснаас тэр үү эвдрэл, гэмтэл гарах үед сургууль, цэцэрлэгийн удирдлагыг Хотын захирагчийн алба руу илгээдэг байна. Өнөөх хэд нь очоод “манай цэцэрлэгийн хоёр насосыг солиод өгөөч, 500 мянган төгрөг шүү дээ, Солихгүй бол халаалт сайн ирэхгүй хүүхдүүд даараад байна. Эцэг эхчүүд хэл ам татлаад байна” гээд шалаад суучихдаг аж. Ямар сайндаа л Түмээ дарга  “Бат-Амгалан чи ядаж насосны асуудлаа өөрөө агентлагаараа дамжуул өг, хөрөнгө оруулалтын ажлынхаа тухай мэдээллийг ав л даа. Саяхан есдүгээр цэцэрлэгийн асуудал боссон. Хөрөнгө оруулалтын төлөвлөгөөнд тусгах санал авах болохоор таг дүлий байчихаад гэнэтхэн хоёр насос хэрэгтэй, 500 мянган төгрөг гээд суучихдаг. 500 мянган төгрөг төгрөг шийдэж чадахгүй юм бол агентлаг гэж байлгаад яадаг юм бэ чи” хэмээн бухимдав. [sgmb id="1"]