Аймгийн Хот тохижуулах газар “Hovo” маркийн хоёр автомашин, нэг тракторьтой боллоо. Үүнийг орон нутгийн төсвийн 524 сая төгрөгөөр авч байгаа юм. Машины түлхүүрийг аймгийн Засаг дарга Д.Батлут, Засаг даргын орлогч С.Батжаргал, А.Түвшинжаргал нар Хот тохижуулах газрын дарга Б.Оюунбаярт хүлээлгэн өглөө. Хот тохижуулах газар нь сүүлийн 30 жилд парк шинэчлэлт хийгээгүй бөгөөд ЗХУ-д үйлдвэрлэсэн “Зил-130” маркийн машинаар хог, хаягдал тээвэрлэж байгаа юм. Энэ нь хог ачилтын эргэлтэд сөргөөр нөлөөлж иргэд Хот тохижуулах газрыг муу ажиллаж байна гэж дүгнэхэд хүргэдэг юм. Тэгвэл өнөөдрөөс тус газар ажил, үйлчилгээгээ шуурхай хүргэх боломжтой боллоо. Түүнчлэн  тун удахгүй Казакстан улсаас цас цэвэрлэх машин  ирнэ. 2018 оны Худалдан авах ажиллагааны төлөвлөгөөнд 524 сая төгрөг тусгасан юм. Тендэрийн нээлттэй тендэр шалгаруулалтын аргаар энэ оны наймдугаар сарын 31-ний дотор нийлүүлэхийг төлөвлөгөөнд тусгасан байв. [sgmb id="1"]