2018 онд Орхон аймагт хийгдэх хөрөнгө оруулалт, бүтээн байгуулалтын ажлын нээлт боллоо. Уг үйл ажиллагааг аймгийн ЗДТГ-ын Хөрөнгө оруулалт, хөгжлийн бодлого төлөвлөлтийн хэлтсээс зохион байгуулсан юм. Энэ онд манай аймагт улсын төсвийн 13 тэрбум 443.5 сая төгрөгийн хөрөнгө оруулалтаар 13 нэр төрлийн ажил хийгдэнэ.   Үүнд: Хүүхэд хамгааллын төв байгуулахад Баянцагаан багийн төвийн инженерийн шугам сүлжээнд холбох Гэр хорооллын усан хангамжийг сайжруулах Бүрэнбүст багийн орон сууцны байруудын дээвэр засвар Рашаант багт 250 хүүхдийн сургууль барих “Эрдэнэт” цогцолбор сургуулийг өргөтгөж 928 хүүхдийн багтаамжтай болгох Яргуйт, Булаг багт тус бүр нь 150 хүүхдийн хүчин чадалтай цэцэрлэг барих Даваат багт 250 хүний суудалтай Соёлын төв барих Баянбулаг багт спорт заал барих Дөмөг захын уулзвараас 6-р хороолол хүртэлх 2.1 км авто замыг өргөтгөх ажил багтаж байна.  Тэгвэл орон нутгийн төсвийн 4 тэрбум 220 сая төгрөгөөр Хөрөнгө оруулалтын 26 нэр төрлийн ажил, тэрбум 711.8 сая төгрөгөөр их засварын 38 ажил хийгдэнэ.  Үүнд: Өндөр толгойн баруун хэсэгт ЦДАШ, дэд станц барих Яргуйт багт АТП-15 дэд станцын хойд хэсэгт ЦДАШ, дэд станц барих 1-18, 1-20-р, 2-5-р байр, Уртын гол баг болон Булаг багийн 14, 45-р гудамж, Шанд багийн багийн 39-р гудамж,  Жаргалант сумын сумын Төмөр замын хорооллын хэсэгт амралт, чөлөөт цагийн талбай байгуулах  8 дугаар сургууль, 4 дүгээр сургууль, 5 дугаар сургуулийн гадна спортын иж бүрэн талбайг тохижуулах БОЭТ-ийн цахилгаан үүсгүүрийн барилга барина. Эдгээрээс гадна Цагаанчулуут багт цэцэрлэгт хүрээлэн байгуулах, Польш улсын хөнгөлөлттэй зээлээр хог ангилах, боловсруулах үйлдвэр байгуулагдахаар болсоон. Энэ жил хийгдэх хөрөнгө оруулалт, бүтээн байгуулалтын ажлыг гүйцэтгэгч компаниудын 90 хувь нь орон нутгийн аж ахуйн нэгжүүд юм. Түүнээс гадна ажиллах хүчний тодорхой хувийг аймгийн Хөдөлмөр, халамжийн үйлчилгээний хэлтэст бүртгэлтэй ажилгүй иргэдээс бүрдүүлнэ гэдгийг Засаг даргын орлогч С.Батжаргал хэллээ.[sgmb id="1"]