Л.Цогийг төрийн ордонд залсандаа Эрдэнэтийнхэн амаа барихад багадаж байгаа. Настай хүн атлаа баяр ёслолоор ч болтугай сонгогчдынхоо мэндийг асуучихдаггүй намбагүй хүн гэхээсээ илүүтэй хүн чанаргүй гэж хэлэхэд болох. Эрдэнэтийнхэнийг тоодоггүй УИХ-ын эрхэм дэд дарга ОХУ-аас Орхон аймагт сууж байгаа элчин консулыг үдэх хүлээн авалтанд оролцохоор Эрдэнэтэд морилоод буцжээ. Монгол хүн байна даа, наадам болох гэж байна. “Та бүхэн минь сайхан наадаарай” гээд телевизийн цэнхэр дэлгэцээр гэгээн дүрээ харуулчих нүүргүй, сэтгэлгүй эрхэм гишүүн Оросод хамт сурч байсан консул найзынхаа хүлээн авалтанд оролцох нь чухал байсан бололтой. Дэд дарга төвийн хэвлэлд ярилцлага өгөхдөө “Эрдэнэтэд шантаажны сэтгүүл зүй хөгжсөн юм байна лээ. Нэг сэтгүүлч надаас арван сая төгрөг нэхсэн” гэж ярьсанд Эрдэнэтийн сэтгүүлчид түүнийг их буугаар буудахаас наагуур бухимдаж, “тооцоо бодохоор хүлээж байгаа”. Тиймээс хэвлэлийнхнээс айх нь аргагүй. Экс ерөнхийлөгч Н.Энхбаяраас өөр урдаа барих туг, гартаа барьсан цаас ч үгүй ирэхэд нь Эрдэнэтийн сэтгүүлчид харин ч сэтгэл гарган, сонгуулийнх нь сурталчилгааг хоёргүй сэтгэлээр хийж өгсөнөөр өнөөдөр Л.Цог зөөлөн сэнтийд заларсан. “Мөнгө нэхсэн сэтгүүлчээ нэрээр нь хэл” гэж эрхэм дэд даргыг “шахаанд” оруулах хэвлэлийнхэний болоод УИХ-д сонгосон сонгогчдынхоо сэтгэлийн өрийг хэзээ цайруулах юм бол, Логийн Цог.