УИХ, Засгийн газрын гишүүд ЖДҮ буюу Жижиг, дунд үйлдвэрлэлийг дэмсжих сангаас тэрбум тэрбумаар нь зээл авсан дуулиан манай нийгмийг цочроож улмаар царцанги байдалд орсон улс төр, нийгэм аажмаар хөдөлгөөнд орж эхэллээ. Томчуудын энэ дуулиан манай аймагт халдварлаж сүүлдээ би, чи дээ тулж, улмаар аймгийн Засаг даргын шуурхай дээр нэр цохож байгаад идсэн уусныг нь дэлгэдэг, ярьдаг болж эхэллээ. Энэ долоо хоногийн даваа гарагийн аймгийн Засаг даргын шуурхайн үеэр Баян-Өндөр сумын Засаг дарга С.Ганцогт ээлжит дуулиант мэдээллээ хийсэн юм. Тэрбээр “... төрийн ажил залгамж холбоотой явдаг. Өмнөх нөхдийн хийсэн алдаа дутагдалтай олон ажлыг засч залруулах, горимонд нь оруулах гэж их ажилласан. Энэ ажлын хажуугаар АН-ын нөхдүүд намайг харлуулах гэж хийсэн бүтээснийг минь үгүйсгэх гэж Гурван үсэгтэй газарт 17 удаа, 17 зүйлээр гомдол, өргөдөл гаргасан. АТГ-аас өнгөрсөн хугацаанд шалгаад намайг ашиг сонирхлын зөрчил гаргаагүй гэж дүгнэсэн. Одоо би өөрөөр ярина. Өнгөрөгч хугацаанд сумын эрхийг барьж байсан Та нар тийм өндөг шиг өөгүй, энхийн цагаан тагтаа юм уу. Одоо би баримттай ярина шүү. Сум хөгжүүлэх сан болон бусад сангаас та нарын авсан зээлийг одоо ил болгоно. Чоёнгийн Өлзийбаярын төрд учруулсан хохирол болох 4 сая төгрөгийг Шүүхийн шйидвэрийн журмаар сая төлүүллээ. [sgmb id="1"]Зарим нь ажил хийнэ гэж зээл авчихаад юу ч хийгээгүй. Тайлангаа өгөхдөө “Эрдэнэт үйлдвэр” ХХК-ийн хийсэн ажлыг би хийсэн гэж хуурч байна. Үүнийг ил болгоно. Хэвлэл мэдээлэлд гаргана” хэмэсэн юм. Ингээд бид С.Ганцогт даргын хийсэн мэдэгдлийг хүргэж байна.   https://youtu.be/KBReB4vneug