Засгийн газрын хуралдаанаас ахмадуудын тэтгэвэрийг сар шинийн баярын баярын өмнө буюу хоёрдугаар сарын 1-нээс нэмэх тухай шийдвэр гаргажээ.  Тэтгэврийн нэмэгдэлд зориулж, нийтдээ 119.5 тэрбум төгрөгийг 2019 оны улсын төсөвт суулгасан байна. Мөн Эмч, багш нарын эсэргүүцлийн дагуу Засгийн газар ирэх оноос тэдний цалинг нэмэхээр болсон. Тиймээс Засгийн газраас 2019 оны нэгдүгээр сарын 1-нээс төрийн албан хаагчдын цалинг нэмэх шийдвэрлэсэн бөгөөд  үүнд зориулж 267.1 тэрбум төгрөгийг улсын төсөвт суулгаж өгчээ. Ингэснээр У.Хүрэлсүхийн Засгийн газар шинэ оны шинэ жилийн баярын бэлэг болгож 2019 оны нэгдүгээр сарын 1-нээс төрийн албан хаагчдын цалинг нэмж байна. Дээр нь ахмадуудад цагаан сарын бэлэг болгон хоёрдугаар сарын 1-нээс тэтгэвэрийг нь нэмэгдүүлэх эхний алхмуудыг хийж байгаа аж. Харин хэдэн төгрөгөөр нэмэх зэрэг нь одоогоор албан ёсоор тодорхой болоогүй байна. Нийгмийн хамгааллын сангаас олгодог тэтгэврийн хэмжээ маш бага буюу амьжиргааны доод төвшнөөс ч доогуур байдаг. Иймд халамжийн сангаас олгож байгаа тэтгэврийн хэмжээг ядаж амьжиргааны доод төвшинд хүргэх шаардлага байгааг ч иргэд шүүмжилдэг. [sgmb id="1"][sgmb id="1"]