Эрдэнэт үйлдвэр ХХК-ийн мастеруудын зөвлөгөөн аймгийн “Уурхайчин” соёлын ордны  их танхимд боллоо. Зөвлөгөөнд “Мастерын манлайлал хөтөлбөр”-т хамрагдсан 40 мастер тус хөтөлбөрийн нөлөөллийн ажлын үр дүн, ахиц дэвшлийнхээ талаар илтгэл тавьлаа.  “Эрдэнэт үйлдвэр” ХХК-ийн анхан шатны удирдах ажилтан болох мастер нь компанийн алсын хараа, эрхэм зорилго, бодлого, стратегийг ажилчдад хүргэх, таниулах, хэрэгжилтийг хангахад чухал үүрэг оролцоотой байдаг. Мастер хүний үлгэр дуурайлал, манлайлал, үйл хэрэг нь удирдлагын бодлогын хэрэгжилт үр дүнтэй байх, удирдлага ажилчид хамтран нэгэн чиг зорилгын төлөө ажиллахад гол үүрэгтэй юм. “Эрдэнэт үйлдвэр” ХХК-ийн Ерөнхий захирлын санаачилгаар мастеруудын ажлын бүтээмж, манлайллын ур чадварыг дээшлүүлэх, тулгамдаж буй асуудлыг хэлэлцэх зорилгоор “Мастеруудын анхдугаар зөвлөгөөн”-ийг өнгөрөгч 2017 оны аравдугаар сарын 13-ны өдөр зохион байгуулсан. Тус зөвлөгөөнөөс мастеруудын манлайлах ур чадвар, бүтээмж гүйцэтгэлийг сайжруулах зорилгоор “Мастерын манлайлал хөтөлбөр”-ийг хэрэгжүүлэх шийдвэр гарсан аж. Энэ шийдвэрийн дагуу 2018 оны турш тус хөтөлбөр хэрэгжиж, нийт 40 мастерыг сонгон шалгаруулж 2 үе шаттайгаараар хамруулсан байна. https://youtu.be/bEvk2uGpGGw 2017 онд компанийн 17 бүтцийн нэгжийн 1040 ажилтныг хамруулсан байгууллагын соёлын судалгаагаар удирдах ажилтнууд манлайллын шинжүүд болох ажилчидтайгаа харилцан ойлголцож, тэдний бүтээлч санаачилгыг дэмжин, ажлын гүйцэтгэл цаашдын өсөлт хөгжлийн талаар ярилцаж итгэл төрүүлж, хамтран нэг болж, үр дүнтэй ажиллах тал дээр илүү чадваржих шаардлагатай гэж дүгнэгджээ. Тиймээс удирдах ажилтнууд, тэдгээрийн залгамж халаа болон бэлтгэгдэж байгаа мастеруудын манлайлах ур чадварыг дээшлүүлэх зорилгоор “Мастерын манлайлал”хөтө хөтөлбөр хэрэгжсэн байна. https://youtu.be/V5XucdIzJQY