Дээрхийн гэгээн XIV Далай лам Калачакра буюу Цогт-Очир хөлгөний авшгийг айлдуулахаар Далай ламыг Монгол улсын нийслэл Улаанбаатар хотод залах ажлыг энэ оны эхэн үеэс эхлэн ярилцаж байсан. Энэ хүрээнд энэ сард Монгол улсад айлчлал хийхээр төлөвлөж байсан боловч Хятадын дарамт шахалтаас үүдэн энэхүү айлчлалыг цуцлахаар болсон гэж Төвдийн бурхан шашны үйл ажиллагааны талаарх нарийн мэдээлэлтэй байдаг эх сурвалжууд мэдэгдсэн байна. Учир нь Хятадын тал Төвдийн буддын шашны тэргүүн Далай ламыг салан тусгаарлах үзэлтэн гэж үздэг аж. Үүний зэрэгцээ Хятадын Ерөнхийлөгчийн Монголд хийж буй айлчлалын хүрээнд далайд гарцгүй хөрш улсынхаа эдийн засгийн хараат байдлыг өөртөө ашигтайгаар эргүүлэхийн тулд Далай ламын айлчлалыг цуцалсан гэх мэдээлэл ч цацагдаж байгаа юм. Харин Монгол улсын Гадаад харилцааны яамнаас Далай ламын төлөвлөсөн айлчлалын талаар албан ёсны мэдэгдэл гаргаагүй боловч айлчлал цуцлагдсан нь Засгийн газрын ажил хэрэгтэй ямар ч холбоогүй гэсэн тайлбарыг өгчээ.