Аймгийн Засаг даргын орлогч А.Түвшинжаргал Онцгой комиссын хурал дээр халдвар авсан иргэн Г-гийн  талаарх мэдээллийг хүргэж байна. “Халдвар авсан иргэн Г-гийн явсан маршрутыг гаргаж байна.

Иргэн Г-гийн ойрын хавьтал Б-гийн маршрутыг гаргахад, Эрдэнэт Өртөө төмөр замын өртөөнөөс эхэлсэн, дэлгүүр орсон. 20 цаг 40 минутанд 1-ийн 19-р байранд очсон, 21 цаг 30 минутанд 1-ийн 4-р байранд гэртээ очсон. Маргааш өглөө нь 10 цагт Таван Эрдэнэ зах орсон. 11 цагт Номин агуулах орсон, 12 цагт Хүлэг зах орсон, 12 цаг 30 минутанд Цах маркет орсон, орой 20 цагт Эрдэнэт Өртөө явсан. Маргааш нь 6 цаг 30 минутанд гэртээ ирсэн, Есөн Эрдэнэ зах орсон гээд маршрутыг цаг минутаар нь гаргаж байна. Иргэн Г-гийн ойрын хавьтлын Б нь Зэст багийн 4 иргэнтэй, Оюут багийн 2 иргэнтэй, Хүрэнбулаг багийн 1 иргэнтэй, Вокзалын 1 иргэнтэй, Шанд, Наран багийн тус бүр 1 иргэнтэй, Хүрэнбулаг багийн 1 иргэнтэй уулзсан байна. Энэ мэтчилэн 13 халдвартай хүний маршрутыг гаргахаар ажиллаж байна. Энэ маршрут бол зөвхөн 1 хүний хоёр өдрийн явсан маршрут байгаа.