-Орхон аймагт 6-ны өдрийн байдлаар халдварын тоо нэмэгдээгүй. Батлагдсан 24 тохиолдлоос 6 хүн эдгэрсэн. Үүний 4 нь том хүн, 2 нь хүүхэд байна. Батлагдсан 24 тохиолдлын ойрын хавьтлын 431, дам хавьтлын 2400 хүн тусгаарлалын байранд байна.

-УБ-аас ирэх хүсэлтээ ирүүлсэн 2091 хүн байна. Нийслэлийн Онцгой комиссын шийдвэрээр Эрдэнэтийн иргэдийн шинжилгээ авах, буцаах асуудлыг шийдэх учир Орхон аймгийн Онцгой комисс оролцох боломжгүй.

-Орхон аймгаас УБ болон бусад аймгууд руу явах хүсэлт өгсөн 1000 гаруй хүн байна. Дархан, Булган, Хөвсгөл аймаг руу 300 гаруй хүнийг явуулсан. 7,8,9-ний өдрүүдэд 9 аймаг руу явуулах хүмүүсийн шинжилгээг авч дуусгаад явуулах гэж байна. Шинжилгээ авах, ямар унаагаар явах тухай бүх мэдээллийг утсаар тодорхой өгч байна.

-Манай иргэд тэр аймаг руу явчихаад хурдан хүрээд ирнэ гэж хандаж байна. Гэтэл цаад аймгууд манай аймгаас хүн хүлээж авахгүй гэсэн хариу өгч байгаа. Үүнийг анхаарах хэрэгтэй.

-Эрсдэлийн үнэлгээ хийлгэхээр 400 гаруй аж ахуйн нэгж хүсэлтээ өгсөн. Үүнээс 13 нь шалгуурыг давсан. Маргаашнаас эхлэн “Оч хүүхдийн дэлгүүр”, “Эрдэнэт хивс”-ний үйлдвэрийн дэлгүүр, “Тод-Өнгө” таксины үйлчилгээ шаардлагаа биелүүлж ажиллаж эхлэнэ.

-Хувийн аж ахуйн нэгжүүдийг дэмжих ажлыг томоохон байгууллагууддаа хандаж уриалга гаргасан. “Төгөл групп” түрээсээ чөлөөлсөнийг жишээ болгож уриалаад байна. “Эрдэнэт Ус” орон нутгийн аж ахуйн нэгжийг бусад аж ахуйн нэгжийн дулааны зардлыг хөнгөлөх талаар судлана.

-Худалдааны төвүүд, супермаркет, барилгын материал, нийтийн тээврийн үйлчилгээний байгууллагууд эрсдэлийн үнэлгээгээ хийлгэж дуусвал үйл ажиллагаа эхлүүлэх боломжтой гэж Онцгой комисс мэдээллээ.