Эрхэм хүндэт Уурхайчид аа!

ХХ зууны манлай бүтээн байгуулалт Уул уурхайн баяжуулах “Эрдэнэт Үйлдвэр” ТӨҮГ-ын хамт олон та бүхэндээ Эрдэнэт үйлдвэрийн нэгдүгээр ээлж ашиглалтад орж, анхны баяжмалаа экспортод гаргаж эхэлсэн түүхэн өдрийн халуун мэндийг өргөн дэвшүүлье.

Аймгийн Иргэдийн Төлөөлөгчдийн Хурлын 2021-2024 оны Үйл ажиллагааны стратеги төлөвлөгөө болон Засаг даргын Үйл ажиллагааны хөтөлбөрийг хэрэгжүүлэх, орон нутгаа хөгжүүлэхийн төлөө хамтран ажиллаж байгаа Орхон аймаг, Эрдэнэт хотынхоо иргэд олон нийт, хурал захиргааны болон бусад байгууллагууд, аж ахуйн нэгжүүд түүний дотор “Эрдэнэт үйлдвэр” ТӨҮГ-ын уурхайчин та бүхэнд талархаж байдгаа илэрхийлж байгааг хүлээн авна уу.

Эрдэнэт хот, Эрдэнэт үйлдвэрийн түүх, ажил амьдрал хүйн холбоотой юм.

Уулын баяжуулах Эрдэнэт үйлдвэрийн эхний ээлж 1978 оны 12 дугаар сарын 14-ний өдөр ашиглалтанд орж анхны баяжмалаа гаргаж эхэлснээс хойш эдүгээ 43 дахь жилийн түүх үргэлжилж байна.

Уул уурхайн баяжуулах Эрдэнэт үйлдвэр байгуулагдсан цагаасаа эхлэн улс эх орны эдийн засагт жинтэй хувь нэмрийг оруулж ирсэн төдийгүй, зах зээлийн харилцааны шилжилтийн үе гэгдэх сүүлийн 30 гаруй жилд манай орны эдийн засгийн чадавхи доройтож, санхүүгийн хүнд байдалд байх үед улсын төвлөрсөн болон орон нутгийн төсвийн орлогыг бүрдүүлэх, хотоо хөгжүүлэх ажилд хөрөнгө санхүүгийн талаар анхааран ажиллаж ирсэн түүхэн гавьяатай билээ.

Зууны манлай бүтээн байгуулалт, Дэлхийн болон Үндэсний шилдэг аж ахуйн нэгж, Манлай татвар төлөгч байгууллага, Олборлох үйлдвэрийн ил тод байдлыг хэрэгжүүлэгч шилдэг компани, Монгол улсын аж үйлдвэрийн салбарын шилдэг байгууллага Уулын баяжуулах Эрдэнэт үйлдвэрийн хөгжил, дэвшлийн түүхийг бичилцсэн үйлдвэрийн анхдагчид, үе үеийн уурхайчид болон тэдгээрийн гэр бүлд эрүүл энх, аз жаргал, амжилт бүтээлийн дээдийг хүсэн ерөөе.

Орхон аймаг, Эрдэнэт хот, Эрдэнэт үйлдвэрийн хөгжил дэвшлийн төлөө хамтдаа ажиллацгаая.

ОРХОН АЙМГИЙН ЗАСАГ ДАРГА БӨГӨӨД

ЭРДЭНЭТ ХОТЫН ЗАХИРАГЧ СЭМЖИДИЙН БАТЖАРГАЛ

2021.12.14 Эрдэнэт хот