Аймгийн Засаг даргын шуурхай зөвлөгөөн болов. Шуурхайг Засаг дарга С.Батжаргал удирдан явууллаа. Шуурхайд аймгийн ЗДТГ-ын Нийгмийн хөгжлийн бодлогын хэлтсийн дарга А.Бумансор зургаадугаар сарын 1-н буюу Хүүхдийн баяраар Амарын талбайд болох арга хэмжээний талаар мэдээлэл хийлээ. Тэрбээр, “Баярын арга хэмжээ зургаадугаар сарын 1-ний 11.00 цагт А.Амарын талбайд эхлэх бөгөөд 18.00 цаг хүртэл үргэлжилнэ. Энэ үеэр  Үйлчилгээний төвийн уулзвараас Нутгийн удирдлагын ордны уулзвар хүртэл төв авто зам хааж аюулгүй байдлыг хангах ажээ. Баярын хөтөлбөрт энэ хичээлийн жилд Хүүхэд хөгжлийн асуудлаар амжилттай оролцсон сургууль, цэцэрлэг болон тусгай хэрэгцээт хүүхдүүд зэрэг 500 гаруй хүүхдийг хамруулсан баярын концерт тоглоно. Мөн спорт болон хөгжөөнт арга хэмжээ зохион байгуулж худалдаа үйлчилгээний газрууд үйл ажиллагаа явуулна” хэмээлээ.