Аймгийн Засаг даргын дэрэгдэх хэрэгжүүлэгч агентлаг болох Хот байгуулалт, барилга захиалагчийн албаны мэдээллээс харвал манай аймгийн хэмжээнд он дамжин хэрэгжиж байгаа хөрөнгө оруулалтын 58 ажил байгаа аж. Он дамжсан хөрөнгө оруулалтын ажлыг 2020 оноос өмнөх, 2021 оны ажил хэмээн хоёр хуваан авч үздэг байна.

2020 оноос өмнөх он дамжсан ажлуудыг нарийвчилбал,

*** Аймгийн хөрөнгө оруулалтаар хийгдэж буй 14 ажил

*** “Эрдэнэт үйлдвэр” ТӨҮГ-ын хамтын ажиллагааны гэрээгээр хийж буй 3 ажил

*** Улсын төсвийн хөрөнгө оруулалтаар хийж буй 9 ажил

*** Баян-Өндөр сумын ОНХС-ийн хөрөнгөөр хийж буй 9 ажил

*** Жаргалантын ОНХС-ийн хөрөнгөөр хийж буй 4, нийт 39 ажил байна.

Харин 2021 оноос хойш он дамжижн хэрэгжиж буй 19 ажил байна. Үүнд,

*** Аймгийн хөрөнгө оруулалттай  15

*** “Эрдэнэт үйлдвэр”-ийн хөрөнгө оруулалттай 1

*** Улсын төсвийн хөрөнгө оруулалттай 2

*** Жаргалантын ОНХС-ийн хөрөнгө оруулалттай 1 ажил байна. Эдгээрээс Ашиглалтад оруулах комисс ажилласан 16, захиалагчийн дүгнэлт гарсан 2 ажил байна. Харин үлдсэн 13 ажилд гэрээ цуцлаад байгаа ажээ.