Даваа гарагийн Засаг даргын шуурхай зөвлөгөөн дээр аймгийн орлогч дарга А.Түвшинжаргал “Өнгөрөгч амралтын өдрүүдээр цас их орсон. Иймээс аж ахуйн нэгж, албан байгууллагууд эргэн тойрныхоо 50 метр газрын цасыг арилгаж цэвэрлэ” хэмээсэн үүрэг өгсөн. Энэ үүрэг даалгавар 2022 оны сүүлчийн 7 хоногийн ганц том ажил байх тухай ч шуурхайг даргалагч даалгасан. Даваа гарагийн үдээс хойш цайны цагийн дараа 14.00 цагт ажил эхлэхэд аймгийн Татварын хэлтсийнхэн шууд л А.Түвшинжаргал даргын үүрэг даалгаврыг хэрэгжүүлж ажилдаа гарчээ.

Тэд хашаан доторх газрынхаа цасыг арилгаад зогсохгүй автомашин болон явган хүний цасыг цэвэрлэж, бараг л ганц нэгхэн цагийн дотор аймгийн Засаг даргын орлогчийн өгсөн 7 хоногийн үүрэг даалгаврыг биелүүлсэн гэхэд болно. Биднийг Татварын хэлтсийн байраар “зочлоход” татварын албаныхан аль хэдийнэ цасаа арилгаад дуусчихсан, өгсөн үүрэг даалгаврыг “мэдлээ гүйцэтгэе” хэмээх шинэ цэрэг шиг биелүүлсэн байлаа. Төр, хувийн хэвшлийн байгууллагууд аймгийн Татварын хэлтсийнхэн шиг өгсөн үүрэг даалгаврыг цагт нь биелүүлдэг бол цас арилгах нь  эрдэнэтчүүдийн хувьд  асуудал биш харагдана. Татвар төлөгчдийнхөө өмнөөс Татварынхандаа талархая.