“Нөхөрлөл, тэмүүлэл, Амжилт” уриан дор зохион байгуулж буй Монголын бүх ард түмний спортын XI  наадам, Монголын хүүхдийн спортын өвлийн VII наадмын нээлт өнөөдөр “Хангарьд” спорт паласт боллоо. Энэ үеэр аймгийн БТСГ-ын дарга Д.Дэлгэрбаяр “Өвлийн олимпийн тэмцээн наадам энэ сарын 6-наас эхэлсэн. Манай аймгийн гүйлтийн цанын тамирчид 3 алт. 1 мөнгөн медаль хүртэж багийнхаа амжилтад гайхалтай нөлөө үзүүллээ. Өнөөдрийн байдлаар Өвлийн наадмыг манай аймгийн баг тамирчид медалийн тоо, чанарын үзүүлэлтээр тэргүүлж байна” хэмээсэн юм.