Аймгийн Засаг даргын даваа гарагийн ээлжит шуурхай хуралдлаа. Шуурхайг Засаг даргын орлогч М.Түвшинжаргал удирдав. Шуурхайд аймгийн Хот байгуулалт, барилга захиалагчийн албанаас тодорхой чиглэлээр мэдээлэл хийсэн юм.

Тухайлбал, Зургаадугаар бичил хорооллын уулзвараас Их залуу багийн уулзвар хүртэл  А1002 дугаартай улсын чанартай авто замыг өнөө жил 4 эгнээ болгон өргөтгөнө. Өргөтгөн шинэчлэх эл ажлын зураг төслийг боловсруулах ажил эхэлжээ. Энэ талаар аймгийн Хот байгуулалт, барилга захиалагчийн албанаас мэдээлэв.

Мөн аймгийн хэмжээнд он дамнан хийгдэж буй 43 ажил байгаа аж. Дээрхээс 10 ажил нь одоогоор эхэлсэн байна. Харин 2023 онд улсын төсвийн хөрөнгө оруулалтаар шинээр эхлэх ажил төсөвт тусгагдаагүй юм. Харин энэ жилийн хувьд Орон нутгийн төсвийн хөрөнгө оруулалтаар 92, Баян-Өндөр  сумын ОНХС-аар хийх 29 ажил, Жаргалант сумын ОНХС-аар хийх 12 ажил байгаа ажээ.