Тэнгэр хангай бүүдгэр, шороон шуурга шуурч байгаа ч энэ 7 хоногийн сүүлчээр ихэнх нутгаар дулаарах гэнэ. Гэхдээ өнөө маргаашдаа Орхон-Сэлэнгийн сав нутгаар нойтон цас орж, цасан шуургатай байхыг Ус, цаг уур, орчны шинжилгээний газраас мэдээлж байна.

Энэ сарын 28-нд нутгийн баруун хэсгээр, 29 30-нд ихэнх нутгаар дулаарч Увс нуур болон Дархадын хотгор, Завхан голын эх, Хүрэнбэлчир орчим, Хэнтийн уулархаг нутаг, Тэрэлж, Онол, Улз, Халх голын хөндий, Дарьгангын тал нутгаар шөнөдөө 3-8 хэм хүйтэн, өдөртөө нэмэх 8-13 хэм дулаан байна. Говийн бүс нутгийн өмнөд хэсгээр шөнөдөө +6-гаас +11 хэм, өдөртөө +20-иос +25 хэм дулаан байх гэнэ. Бусад нутгаар шөнөдөө -2-оос + 3 хэм, өдөртөө +14-өөс + 19 хэм дулаан байна гэж Ус, цаг уур, орчны шинжилгээний газраас  мэдээлж байна.