Аймгийн Орон нутгийн өмчийн газраас орон нутгийн өмчит байгууллагуудын 20123 оны үйл ажиллагааны эхний хагас жилийн тайланг авч хэлэлцэн дүгнэжээ. Түүнийгээ аймгийн ИТХ-ын зөвлөлийн хуралд танилцуулсан юм. Хот байгуулалт, барилга захиалагчийн алба ОНӨААТҮГ-ыг аймгийн ИТХ-ын Тэргүүлэгчдийн 2013 оны 3 дугаар сарын 7-ны өдрийн 33 дугаар тогтоолоор байгуулжээ. Тус байгууллага нь дараахь үүргүүдийг хүлээдэг байна. Үүнд, аймгийн хэсэгчилсэн Ерөнхий төлөвлөгөөнд тодотгол хийх, Хэсэгчилсэн ерөнхий төлөвлөгөө болон Дахин хөгжүүлэх төлөвлөгөө боловсруулах. Хоёрдугаарт, Барилгын стандарт, норм нормативын заалтыг хэрэгжүүлэх.

Гуравдугаарт, Баэрилга байгууламжийн ажлыг эхлүүлэх, үргэлжлүүлэх, ашиглалтад оруулах үйл ажиллагаатай холбогдсон харилцааг зохицуулах, хяналт тавих. Дөрөвдүгээрт, хот төлөвлөлт, хот байгуулалт, баирлгын материалын үйлдвэрлэлийн төрийн бодлогыг аймагт хэрэгжүүлэх зэрэг үүргийг хүлээжээ. Өнөөдрийн байдлаар тус байгууллага нь 28 орон тоотой үйл ажиллагаа эрхэлдэг, байгууллагын дарга нь 1 сая 815 мянган төгрөгийн цалинтай ажээ. Тус байгууллага нь 2023 онд 20 зорилтын хүрээнд 108 арга хэмжээ төлөвлөжээ.

Үүний биелэлтийг нь аймгийн Орон нутгийн Өмчийн газраас 63.2 хувьтай хэмээн үнэлсэн байна. Цаашид анхаарах зүйлд,  Засгийн газрын 2020 оны 216 дугаар тогтоол, Засгийн газрын Хэрэг эрхлэх газрын даргын 2020 оны 100 дугаар тушаалын 7 дугаар хавсралтын дагуу биелэлтийг тайлагнаж хэвших, төлөвлөсөн зорилт арга хэмжээний биелэлтийг шалгуур үзүүлэлтийн дагуу товч тодорхой, тоо баримттайгаар үр дүнгэ тайлагнах. Мөн тайланг хэтэрхий тойм хэлбэрээр бичсэн, үг үсэг утга найруулгын алдаа их, тайлан мэдээг цаг хугацаанд нь мэдээлэхэд анхаарат талаар зөвлөмж хүргүүлжээ.