Аймгийн ИТХ-ын зөвлөлийн ээлжит 11 дүгээр хурлаар орон нутгийн өмчит байгууллагуудын ажлын тайлангийн дүгнэлттэй танилцсан юм. Танилцуулыг аймгийн Орон нутгийн өмчийн газрын дарга Л.Оюунгэрэл хйилээ. Манай аймгийн хэмжээнд орон нутгийн өмчит 11 байгууллага ажилладаг байна. 2023 оны эхний хагас жилийн ажлын гйүцэтгэлийн тайлангаас харвал зарим байгууллага тайлангаа ирүүлээгүй бол ажлыг нь үнэлж дүгнэлт өгөх боломжгүй тайлан ирүүлдэг газар ч байгааг аймгийн ИТХ-ын зөвлөлийн гишүүд харсан юм.

Хамгийн өндөр үнэлгээ нь  Нийтлэг үйлчилгээний алба 47.4 хувьтай авчээ. Аймгийн орон нутгийн өмчийн газраас орон нутгийн өмчит байгууллагын удирдлагыг чадавхжуулах зорилгоор тодорхой арга хэмжээ авч ажиллажээ. Тухайлбал, Компанийн засаглалтын тухай сургалтыг аймгийнхаа хэмжээнд зохион байгуулжээ. Тус сургалтанд комдани орон нутгийн өмчит байгууллагын удирдлага Төлөөлөн удирдах зөвлөлийн гишүүдийг я хамруулсан байна.

Мөн 2022 оны 10 дугаар сарын 17-18-ны өдөр Орно нутгийн өмчит болон орон нутгийн өмчийн оролцоотой хуулийн этгээдийн дарга, захирал, ТУЗ-ийн гишүүд, мэргэжилтэн, эдийн засагч нарт “Компанийн засаглалын тухай” сургалт зохион байгуулжээ. Сургалтыг “Райнос ассет ҮЦК” ХХК-ийн хөрөнгө оруулалтын зөвлөх, эдийн засгийн ухааны доктор, мэргэшсэн нягтлан бодогч Д.Аюуш зохион байгуулсан байна. Үүний зэрэгцээ орон нутгийн өмчит хуулийн 11 этгээдийн үйл ажиллагааг сайжруулах, цаашид авах арга хэмжээний тухай зөвлөмжийг ч хүргүүлж ажилласан байна.