Есдүгээр сарын хоёр дахь ням гарагт Соёл, урлагийн ажилтны өдрийг тэмдэглэн өнгөрүүлдэг билээ. Тэгвэл арав гаруй жил Соёл, урлагийн ажилтны өдрийг тэмдэглэж ирсэн уламжлалын дагуу энэ жил Нийслэлийн Соёл урлагийн газар хариуцан “Соёл урлагийн ажилтны өдөр”-ийн үйл ажиллагааг зохион байгуулах гэж байна. Өнгөрсөн жил “Соёл, урлагийн ажилтны өдөр”-ийг “Хүй долоон худаг”-т зохион байгуулж байсан юм. Уг арга хэмжээнд соёл урлагийн нийт 30 гаруй байгууллага оролцсон бөхийн барилдаан, хурдан морины уралдаан,сур, шагайн харваа, соёл, урлагийн байгууллагуудын  “Гоо Бүсгүй” шалгаруулах уралдаан, рок поп, хип хоп, амьд хөгжмийн хамтлаг дуучид оролцон өргөн дэлгэр цэнгүүн болсон юм.