Өнөөдөр бусад өдрүүдийн л адил пүрэв гариг. Гэхдээ энэ өдөр бол хэн бүхний санаж байгаа 9-р сарын 11 буюу “хар өдөр”. Тиймээс хар өдрийг дэлхий нийт мартах учиргүй. Одоогоос 13-н жилийн өмнө буюу тодруулбал 2001 оны 9-р сарын 11-ний мягмар гарагийн өглөө Нью-Иоркт өглөөний 08.45 цагийг үед Америкийн агаарын тээврийн нислэгийн дугаар 11, 76 зорчигч бүхий Бойнг-767 онгоц 110 давхар “Дэлхийн худалдааны төв” гэгдэх ихэр цамхагийн хойд цамхагийн 80 давхрыг мөргөж дэлбэрлэсэн байдаг.  Үүнээс 18 минут өнгөрсөний дараа Бойнг-767 маркийн 2 дахь онгоц нөгөө цамхагийн 60 давхрыг мөргөж дэлбэлжээ.  Эдгээрийн дараагаар 93, 77 нислэгийн дугаартай тус бүрдээ 33, 53 зорчигч бүхий Бойнг-557 маркийн онгоцууд дээрх үйлдлийг давтсанаар ихэр цамхаг нурсан юм. Дээрх дөрвөн онгоц тус бүрт 4-5 тооны алан хядагч цаасны хутга гэх мэтхэнээр зэвсэглэн орж, үйл ажиллагаагаа явуулсан гэдэг. Тэдгээр Ислам шашинт алан хядагчид бүгд Саудын Араб болон Арабын орнуудаас гаралтай байсан бөгөөд Осама Бин Ладенаар толгойлуулсан Аль Кайда алан хядах байгууллагын гишүүд байжээ. 2001 оны 9-р сарын 11-ний 21 цагт Ерөнхийлөгч Жорж Буш телевизээр ”Алан хядагчдын халдлага бидний хоёр том барилгыг нурааснаас биш Америк орны суурийг ганхуулж чадахгүй, тэд байшингийн раам төмрийг хугалсан болохоос Америкийн зоригийг хугалж чадахгүй. Бид үүнд холбоотой ямар ч алан хядагчийг тэвчихгүй. Тэднийг хэн ч хамгаалж чадахгүй ” хэмээсэн юм. Ингээд 2001 оны 10-р сарын 7-нд Афганистан дахь талибаны дэглэмийг арилгах, Осама Бин Ладены алан хядах ажиллагааны эсрэг Америкийн цэрэг Афганистанд орж ирсэн юм. Америкийн цэрэг ердөө хоёрхон сарын дотор Афганистан дахь талибаны дэглэмийг устгажээ. Нуран унасан хоёр барилгын нурангид дарагдаж 3000 хүн хорвоог орхисон байна. Тэдгээр гурван мянган халуун амь дунд гал сөнөөгчид, эмнэлгийн ажитнууд, цагдаагийн ажилтнууд, энгийн иргэд байсан гэдэг. Олон бяцхан охины нулимсыг үзэж, бяцхан хүүгийн хайртай аав нь эргэж ирэхгүйгээр явсан биз ээ. Энэ ч үүднээс бид тэртээх 13-н жилийн аймшигт үйл явдлыг мартах учиргүй. Шинэ зуун ингэж эмгэнэлээр эхэлсэн юм. Тиймээс энэ хар өдрийг дэлхий нийт мартах ёсгүй.  Энэ жилээс эхлэн Нью-Йорк хотхотынхон энэхүү аймшигт өдрийг амь үрэгдэгсдийн хойноос гашуудах өдөр бус харин тэдний дурсгалыг мөнхжүүлэх, сэргээн босгох өдөр болгон тэмдэглэхээр болжээ. АНУ-ын муж болгонд болзошгүй халдлагаас сэргийлэхийн тулд цагдаа нар өндөржүүлсэн хамгаалалтад гарсан байна. АНУ-ын Ерөнхийлөгч Барак Обама, тэргүүн хатагтай Мишель Обама нар Арлингтоны оршуулгын газар очиж, амиа алдагсдын дурсгалыг хүндэтгэсэн байна. Обама болон дэд ерөнхийлөгч Жое Байдан нар Нью Йорк, Вашингтон, Пенсилвани муж дахь халдлагад өртсөн газруудын дурсгалын цогцолборуудаар айлчлахаар болжээ. Ерөнхийлөгч твиттертээ “Хар өдөр бүү давтагдаасай” хэмээн жиргэсэн байна. Эх сурвалж: new.mn