УИХ-ын гишүүн асан, МАН-ын Бага хурлын гишүүн Д.Дамба-Очир Монгол улсын Тэргүүн шадар сайд У.Хүрэлсүхийн ахлах зөвлөх, Ажлын албаны даргаар томилогдсон байна. Тэрээр шинэ жилийн баярыг тохиолдуулан иж бүрэн дулаалгатай хоёр гэрийг Жаргалант сумын Дулаан-Уул багийн иргэн Намжилжавын Жаргалсайхан, Баян-Өндөр сумын Даваат багийн малчин н.Ганбат нарт өчигдөр олгосон юм. Энэ үеэр Даваат багийн малчин н.Ганбат “Энэ мэдээг дуулаад үнэндээ итгээгүй шүү. Нүдээрээ хараад итгэж байна. Аймгийн МАН-ын хорооны мянга мянган гишүүд болон Д.Дамба-Очир даргад баярлалаа. Сэтгэл хөдлөөд хэлэх ч үг олдохгүй байна” гэсэн юм. Харин Жаргалант сумын Дулаан-Уул багийн иргэн Н.Жаргалсайхан “УИХ-ын гишүүн асан Д.Дамба-Очир орон гэргүй болсон бидэнд гэр бэлэглэсэнд үнэхээр баярлаж байна. Биднийгээ мартаагүй түүгээр ч үл барам орон гэргүй иргэдэд иж бүрэн дулаалгатай гэр бэлэглэсэнд гэр бүлийнхээ өмнөөс энэ хүнд яаж талархахаа мэдэхгүй байна. Ямарч байсан Д.Дамба-Очир даргадаа шинэ жилийн баярын мэнд хүргээд, маш их баярлалаа гэж хэлье” хэмээсэн юм. Иж бүрэн дулаалгатай хоёр гэрийг орон нутгийн монгол гэр үйлдвэрлэдэг аж ахуйн нэгжээс худалдан авсан ажээ. Мөн Тэргүүн шадар сайд У.Хүрэлсүхийн ахлах зөвлөх Д.Дамба-Очир Баянцагаан багийн 10 ахмадад гарын бэлэг илгээлээ. Н.Жаргалсайхан Жаргалант сумын Дулаан-Уул багийн иргэн н.Ганбат Даваат багийн малчин