Аймгийн Засаг дарга С.Дангаасүрэн өнгөрсөн жил хийгдсэн хөрөнгө оруулалтын ажлуудаас хангалтгүй байгаа тавдугаар хороолын орон сууцны дундах замын хучилтын ажлыг гүйцэтгэсэн компанийн гэрээг цуцлахыг үүрэг болголоо. Мөн кинотеатр, 1-ийн А хорооллын барилгын ажлын явцын талаар мэдээлэхийг Хотын захирагчийн албаны даргад үүрэг болгосон байна. Аймгийн Засаг даргын шуурхай зөвлөгөөний төгсгөлд аймгийн Засаг дарга дараахь үүрэг даалгаврыг өгсөн байна. Өнгөрсөн жилийн бүтээн байгуулалтын ажлыг хангалттай сайн гэж үнэлэгддэг ч тааруу ажлууд байна. Үүнд, тавдугаар хорооллын орон сууцны дундах замын ажлыг гүйцэтгсэн компанийн ажилд дүгнэлт гаргаж, хангалтгүй гэж үзвэл гэрээг цуцлахыг үүрэг болгов. Мөн шинээр баригдахаар зураг төсвийг нь 13 сая төгрөгөөр хийж байгаа дуу бүжгийн чуулгын барилгын ажлыг бид гүйцэтгэх боломжгүй тул зогсоох, 1-ийн А хорооллын болон кино театрын барилгын ажлын явцын талаар мэдээлэл өгөхийг Хотын захирагчийн албаны даргад хариуцууллаа. Энэ долоо хоногт Орхон аймаг, “Эрдэнэт үйлдвэр”-ийн хамтран ажиллах гэрээ хийгдэх тул Баян-Өндөр, Жаргалант сумдаас гэрээн дээр оруулах саналаа боловсруулж, цаашид уг гэрээний биелэлтэд анхаарахыг онцолсон байна. Аймгийн Засаг даргын зүгээс ихээхэн хэмжээний хөрөнгө оруулалт зарцуулсан ч чанаргүй хийгдсэн Бурхан багшийн сэрэг дүрийн бүтээн байгуулалтын ажил, бусад чанаргүй ажлууд дээр мэргэжлийн ажлын хэсэг ажиллаж, үнэлэлт дүгнэлтээ өгөхийг үүрэг болголоо. Улсын төсөвт тусгагдсан ч хөрөнгө мөнгө нь бүтэхгүй байгаа бүтээн байгуулалтуудыг хасуулах арга хэмжээ авахыг мэргэжлийн байгууллагад үүрэг болголоо. Харин Их залуу багт баригдаж байгаа 15 дугаар сургуулийн барилгыг хүлээн авах, Хүүхдийн эмнэлгийн өргөлтгөл барих хөрөнгийг шийдвэрлэх зэрэг нийгмийн эрэлт хэрэгцээтэй бүтээн байгуулалтуудын ажлыг яаравчлахыг сануулсан байна.