АНУ-ын Засгийн газар, Украины зүүн хязгаар руу цэргээ илгээхээр болжээ. Эхний ээлжид 300 цэрэг илгээх бөгөөд тэд энэ сарын 6-наас ирэх аравдугаар сарын 21-ний өдрийг хүртэл Украинд байх юм байна. Түүнчлэн цэргүүдээс гадна 150 эмч, сувилагчаа сөргөлдөөний бүс рүү илгээхээр болжээ. Ерөнхийлөгч Барак Обама Цагаан ордонд болсон мэдэгдлийнхээ үеэр “Украин руу илгээгдэж буй цэргүүдийн ихэнх нь Иракт байлдаж байсан туршлагатай цэргүүд” хэмээн хэлсэн байна.  Харин дээрх мэдэгдлийн дараа “Бүгд Найрамдах Донецк улс”-ын Ерөнхийлөгч хэмээн өөрийгөө өргөмжилсөн Александр Захарченко “Америкийн ганц л цэрэг газар нутагт минь хөл тавьсан тохиолдол Минскийн гэрээг үл тооно, хариу арга хэмжээ авах болно” гэж мэдэгджээ. АНУ-аас гадна Их Британи, Украины армид зөвлөгөө өгөх 300 цэргийн эхний ээлж буюу 75-ийг нь сөргөлдөөний бүс рүү энэ сарын дундуур илгээхээр болсон байна. Эх сурвалж: new.mn