Монголын морин спорт уяачдын холбооны тэргүүн М.Энхболд энэ сарын 13-нд тэргүүлэгчийн хуралдааныг зарлан хуралдуулжээ. Энэхүү хуралдаанаар саяхан болж өнгөрсөн “Дүнжингарав 2015” уралдааны үеэр азарга, соёолон насанд эрлийз адуу түрүүлж, айрагдсан гэх тухай нэр бүхий уяачдаас ирүүлсэн гомдол, саналыг хэлэлцсэн байна. Хуралдаанаас “Дүнжингарав 2015” уралдааны азарга, соёолон насанд түрүүлж айрагдсан морьдын амжилтыг түдгэлзүүлэхээр болжээ. Үүний дагуу эрлийз морьдын дээрх уралдаанд үзүүлсэн амжилтыг хүчингүй болгох шийдвэр гаргасан байна. Монголын морин спорт уяачдын холбооны тэргүүлэгчдийн шийдвэрийн дагуу “Дүнжингарав 2015”-ын азарганы уралдаанд айргийн гуравт хурдалсан Монгол улсын алдарт уяач Д.Дэлгэрбаярын хонгор, айргийн дөрөвт хурдалсан аймгийн алдарт уяач Г.Баярцогтын хүрэн азарганы амжилтыг түдгэлзүүлсэн байна. Тус холбооны тэргүүлэгчдийн шийдвэрээр “Дүнжингарав 2015”-ын азарганы уралдаанд Хөвсгөл аймгийн Мөрөн сумын уугуул Аймгийн алдарт  уяач Т.Болдбаатарынхалиун түрүүлж, аман хүзүүнд  Дундговь аймгийн Өлзийт сумын уугуул уяач Б.Наранхүүгийн “Монгол” хээр, айргийн тавд  Архангай аймгийн Өндөр-Улаан сумын уугуул уяач Ш.Бадамжунайн хүрэн, Дундговь аймгийн Адаацаг сумын уугуул уяач Х.Лхагважавын ягаан, Дундговь аймгийн Эрдэнэдалай сумын уугуул уяач Д.Доржийн зээрд хурдалжээ. “Дүнжингарав-2015” хаврын төвийн бүсийн уралдааны соёолон насанд: Төв аймгийн Угтаал цайдам сумын уугуул уяач Б.Баттөрийн халиун магнайлж, Баянхонгор аймгийн Жаргалан сумын уугуул уяач Л.Алтанхуягийн сартай хар аман хүзүүдэж, айргийн тавд  Дундговь аймгийн Өлзийт сумын уугуул уяач П.Эрдэнэчулууны  хонгор, Говь-Алтай аймгийн Дарви сумын уугуул уяач С.Баттулгын хүрэн, Дундговь аймгийн Хулд сумын уугуул уяач Б.Лхагва-Очирын хүрэн соёолон хурдалсан гэсэн шийдвэр гаргас ан байна.