Сагсан бөмбөгийн Үндэсний супер лигийн шийдвэрлэх тоглолтууд өнгөрсөн бямба гаригт болж өндөрлөлөө. Хүрэл медалийн төлөөх тоглолт "Хасын Хүлэгүүд","Эрдэнэдрийлинг" багийн хооронд болж, ширүүн өрсөлдөөн өрнөсөн бөгөөд тоглолтын дөрөвдүгээр үед “Хасын хүлэгүүд” баг 20 онооны зөрүүг барьж чадсанаар хүрэл медалийн эзэд болсон юм. Харин 2014-2015 оны Үндэсний Супер Лигийн аваргын төлөөх цувралын аваргын алтан медалийн төлөөх тулаан Дундговь Альянс Тех Харцага болон Дорнод танан гарьд багийн хооронд болов. Улмаар Дундговь Альянс Тех Харцага 4:2-оор тэргүүлж, аваргын цом, 40 сая төгрөгийн шагнал хүртлээ. Дорнод Танан Гарьд баг мөнгөн медаль 20 сая төгрөг, Хасын Хүлэгүүд хүрэл медалийн эзэн болж 10 сая төгрөгөөр шагнуулсан юм. Эх сурвалж: new.mn