Холливуудын нэрт жүжигчин Брэдли Купер болон Оросын супер модель Ирина Шейк нар болзож эхэлсэн байна. Тэд Нью Йорк хотноо зохион байгуулагдсан “TIME” сэтгүүлийн хүндэтгэлийн арга хэмжээнд оролцсоныхоо дараа оройн хоолонд хамтдаа орсон тухай гэрчүүд мэдээлж байсан гэвч Иринагийн агент дээрх мэдээллийг үгүйсгэж “Тэд шинэ киноны асуудлаар ярилцсан. Купер өөрийн найруулсан киноныхоо гол дүрд Иринаг тоглуулах хүсэлтэй байгаа. Энэ бол зүгээр л ажил хэргийн уулзалт” гэж мэдэгдэж байсан юм. Харин тэд саяхан гадуур хамт зугаалж байхдаа папарациудын дуранд өртсөн юм. Тэгвэл хосууд өчигдөр 22.00 цагийн үед Нью Йорк хотноо байрлах “Росе” хэмээх зоогийн газраар үйлчлүүлээд гарч явахдаа үнсэлцэж гэрэл зурагчдын дуранд өртсөн байна. “TMZ” сайт “Ирина Шейк саяхнаас жүжигчин эрийн Нью Йоркт байрлах гэрт нь нүүж ирсэн” гэж мэдээлсэн байна. Брэдли Купер өнгөрсөн гуравдугаар сард Английн жүжигчин, загвар өмсөгч Суки Уотерхаусаас харилцаагаа тасалсан бол Ирина Шейкийн хувьд Кристиан Роналдутай таван жил болзсон бөгөөд өнгөрсөн арванхоёрдугаар сард салсан юм. Эх сурвалж: new.mn