Өмнөд Солонгост Ойрх Дорнодын амьсгалын замын хам шинжит “Mers” хэмээх халдварт өвчин дэгдээд байна. Одоогоор хоёр хүн уг өвчний улмаас амь насаа алдаад байна. Уг халдварт өвчний анхны тээгч нь 58 настай эмэгтэй байсан гэнэ. Дээрх халдвар авсан эмэгтэйг Ойрх Дорнодод зорчиж явахдаа халдвар авсан байж болзошгүй хэмээн үзэж байгаа аж. Харин хоёр дахь хохирогч нь 71 настай эрэгтэй байжээ. Ойрх-Дорнод, Саудын Арабт гарсан титэм вирусийн халдвараар Өмнөд Солонгост өнгөрсөн тавдугаар сараас хойш 17 хүн өвчлөөд буй юм. Энэхүү халдвар хэдийгээр Өмнөд Солонгос улсад гарсан хэдий ч Хятадад “Mers”-ийн анхны тохиолдол бүртгэгдсэн хэмээн эх сурвалжууд мэдээлж байгаа аж. Гэхдээ энэ нь албан ёсоор батлагдаагүй байна. Ойрх Дорнодын амьсгалын замын хам шинж буюу “Mers” Саудын Араб болон Ойрх Дорнод болон бусад орнуудад гарч эхлээд байсан юм. Харин өнгөрсөн сараас Өмнөд Солонгост тархаад байгаа гэнэ. Одоогийн байдлаар 17 хүн уг өвчний халдварыг авсан гэж бүртгэгджээ. ДЭМБ-ийн мэдээлснээр халдвар авагсдын 27 хувь нь нас барах эрсдэлтэй гэнэ. Түүнчлэн халдвар авсан хүмүүстэй харьцаж байсан 680 хүнийг тусгаарлаад байгаа аж. Мэргэжилтнүүд “Mers” нь эбола шиг амархан халдварлахгүй гэж үзэж байна. Энэхүү өвчний анхны тохиолдол 2012 онд бүртгэгдэж байсан гэнэ. Малайзад нэг эрэгтэй өнгөрсөн дөрөвдүгээр сард титэм вирусээр халдварласан нь Зүүн Азид анхны тохиолдол болжээ. Европын өвчнөөс урьдчилан сэргийлэх, хянах төвийн мэдээлснээр дэлхий нийтийн хэмжээнд 1167 хүн “Mers”-ийн халдвар авснаас 479 нь амиа алдсан гэжээ. Эх сурвалж: new.mn