Өмнөд Солонгост дэгдсэн МЕРС өвчний халдвар хурдтай тархсан хэвээр байгаа бөгөөд хамгийн сүүлийн мэдээллээр МЕРС вирусын халдвартай 19 хүн нас барж, 150 гаруй хүн өвчлөөд байгаа билээ. Түүнчлэн Германд МЕРС өвчний вирусын халдвартай 65 настай эрэгтэй хүн нас барсан анхны тохиолдол өчигдөр /VI.16/ бүртгэгджээ. Энэхүү өвчнөөр өвчилсөн хүмүүсийг Өмнөд Солонгосын хоёр эмнэлэг цусны сийвэнгээр эмчлэх аргыг хэрэглэж эхэллээ. Энэ арга өмнө нь Баруун Африкт тархсан Эбола вирусын эсрэг үр дүнгээ өгсөн юм. Өмнөд Солонгост титэм вирусын халдвараас эдгэрсэн 17 хүн байгаа аж. Эх сурвалж: new.mn