БНСУ-ын Чежү арал руу дөрөвдүгээр сарын 16-нд аялж байсан “Sewol” усан онгоц живж, олон зуун сурагч, энгийн иргэд амиа алдсан харамсалтай хэрэгт гарсан билээ. Тухайн үед усан онгоцонд байсан 476 хүнээс 172 нь аварч чадсан юм. Өнөөдрийн байдлаар ослын улмаас амь үрэгсэдийн тоо 275 болж, 16 хүнийг өнөөдрийн хүртэл  үргэлжлүүлэн хайсаар байгаа юм. Тус онгоцны ослоос үүдэн Өмнөд Солонгос улсад үндэсний хэмжээнд эмгэнэл зарлаад байсан. “Sewol” усан онгоцны ослын тухайд хад мөргөн осолдсон хэмээх урьдчилсан таамаг гарч байсан ч  эцсийн байдлаар ослын шалтгаан нь даац хэтэрсэн гэх дүгнэлт гарсан.  “Sewol” онгоцны осол гардаг өдөр 476 зорчигч , 180 ширхэг хөнгөн машин болон дээрээ ачаатай ачааны машин, контейнер гээд нийтдээ 3608 тонн ачаа ачин явсан байдаг. Энэ нь онгоцын даах ачааны хамгийн дээд хэмжээ нь 987 тонн хэмээн үйлдвэрлэгдсэн бол тус өдөр заасан хэмжээнээс 3 дахин их хэмжээний ачаа ачиж явсан үг юм. Хамгийн сүүлийн иэдээгээр уг онгоцны ослоос 16 хүн сураггүй хэвээр байгаа юм. Аврах багийнхан хөлөг онгоцны гуравдугаар давхрын ресторан, 3-5 дугаар давхрын үүдэн хэсэгт эрлийн ажиллагаа явуулсан хэдий ч сураггүй болсон зорчигчдыг олоогүй байгаа юм. Тиймээс сураггүй болсон зорчигчдын ар гэрийнхнийх нь зөвшөөрлөөр онгоцны их биеийн зарим хэсгийг гадна талаас нь эвдлэн орж , нэвтэрч чадаагүй өрөөнүүдэд эрлийн ажиллагааг үргэлжлүүлэхээр болсон юм. Энэ ч үүднээс энэ сарын 28-наас эхлэн онгоцны их бие болсон төмөр хавтангуудыг салгах зориулалт бүхий онгоцуудыг Жинду арал дээр авчирчээ. Түүнчлэн  “Sewol” хөлөг онгоцыг эзэмшдэг байсан компанийн эзнийг хайж байгаа талаар Өмнө нь мэдээлж байсан. Уг ажлын хүрээнд “Sewol” усан онгоцыг эзэмшдэг далайн ачаа тээврийн Жонгхэ компанийн үйл ажилагааг шалган улмаар удирдлагуудыг нь эрэн сурвалжилж байгаа бөгөөд Ю Бен Ун гэх этгээдийн орогнож байгаа газрын талаар бодит мэдээлэл өгсөн хүнийг 500 мянган ам.доллараар урамшуулна гэдгээ ч мэдэгдсэн юм.  Ю Бен Ун болон компанийн бусад албан тушаалтныг хөлөг онгоцонд цаг тухайд нь засвар хийгээгүй нь ослын гол шалтгаан болсон хэмээн үзэж, тэднийг буруутгаж байгаа юм. Мөн түүнийг мөнгө угаасан, татвараас зайлсхийсэн хэрэгт буруутган эрэн сурвалжилж байгаа аж. Тэгвэл "Сему" группийн экс захирлын  том охиныг Парис хот дахь хамгийн үнэтэй орон сууцны хорооллоос саатуулсан байна. Эх сурвалж: new.mn