“Капитрон” банкны Эрдэнэт салбарын 10 жилийн ойн баяр тохиож байна. Ойн баярынхаа хүрээнд болон эх үрсийн баярыг тохиолдуулан тус банкны хамт олноос аймгийн БОЭТ-ийн Төрөх тасагт эх хүүхдийн сургалтын танхимыг тохижуулан хүлээлгэж өглөө. “Капитрон” банк нь нийгмийн хариуцлагын хүрээнд хүүхэд, залуусын төлөө олон бүтээлч ажлыг хийж байгаа юм. Тухайлбал, БОЭТ-ийн Төрөх тасагтай сүүлийн нэг жил хамтран ажиллаж, шинээр төрсөн 2000 гаруй хүүхдэд хадгаламжийн дэвтэр нээлгэн өгчээ. Мөн тус банк хамтын ажиллагааныхаа хүрээнд эх хүүхдийн сургалтын танхимыг байгуулж өнөөдөр хүлээлгэн өглөө. Б.Рэнцэнханд