Гэмт хэргийн гаралтыг багасгах үр дүнтэй ажлын нэг бол аж ахуй нэгж байгууллага болон олон нийтийн газруудыг камержуулах явдал юм. Энэ ажлыг Орхон аймгийн Цагдаагийн газраас санаачлан Засаг даргын зөвлөлийн хуралд танилцууллаа. Уг санал дэмжигдэж, аймгийн ИТХ-ын хуралдаанд оруулахаар тогтлоо. “Албан байгууллага аж ахуй нэгжүүд шинээр баригдаж буй орон сууцны хороолол орчмыг камержуулах ажлын тухай” асуудлыг Засаг даргын зөвлөлийн хурлаар хэлэлцэж, тодорхой саналуудыг нэмж, ИТХ-аар хэлэлцүүлэхээр болов. Аймгийн хэмжээнд аж ахуй нэгж байгууллагуудыг бүрэн камержуулах, гадна болон дотор талд гэрэлтүүлэг тавихыг шаардсан аймгийн Засаг даргын захирамжийг Цагдаагийн газрын даргын зөвлөлийн хурлаар хэлэлцжээ. Цагдаагийнхан уг асуудлаар албан мэдэгдэл гаргаж, аймгийн хэмжээнд үйл ажиллагаа явуулж буй 820 аж ахуй нэгж байгууллагадхүргүүүлжээ. Мэдэгдэлд улсын хэмжээнд мөрдөгдөж байгаа МНС 64232013 гэсэн чанар стандартын шаардлага хангасан камерыг аж ахуй нэгж байгууллагууд байршуулахыг анхааруулсан байна. 2014 оны төсөвт тусгагдсанаар шинээр 70 цэгт 50 камер байрлуулахад, 400 сая төгрөг шаардлагатай аж. Гэсэн ч хөрөнгөнь төсвийн тодотголоор батлагдсанаар камержуулах ажил эхлэх юм байна. Б.Рэнцэнханд