Энэ жилийн хувьд Монгол улс, ОХУ-ын хооронд дипломат харилцаа тогтоосны 95 жилийн ой тохиож байна. ОХУ-ын Эрдэнэтийн консулын тойрогт 200 мянга гаруй га нутаг дэвсгэр бүхий Архангай, Булган, Орхон, Хөвсгөл зэрэг Монгол улсын дөрвөн аймаг хамардаг. Өнөөгийн байдлаар Эрдэнэтийн консулын газарт харьяалалтай Оросын 510 иргэн амьдарч, ажиллаж байгаагийн 32 иргэн нь байнгын оршин суудаг. Оросын 212 мэргэжилтэн Орхон аймагт “Эрдэнэт үйлдвэр” ХХК болон бусад компани байгууллагад ажиллаж байна. Хоёр улсын найрамдал хамтын ажиллагааны өдрүүдийг энэ сарын 7-ноос эхлэн сарын хугацаанд тодорхой хөтөлбөрийн дагуу зохион байгуулах гэж байна. Монгол, Оросын найрамдал хамтын ажиллагааны өдрүүдийн нээлт, гэрэл зургийн үзэсгэлэн, “Дайчин алдрын замаар” сэдэвт аялал-уулзалтыг Булган аймагт зохион байгуулах, спортын уралдаан тэмцээнийг ЕБС-ийн дунд, ахлах ангийн сурагчдын дунд явуулна. Харин ирэх сард Орос хэлний багш нарын уулзалт, зөвлөгөөн, аймгийн ерөнхий боловсролын болон их, дээд сургуулийн сурагч, залуусыг ороцуулж Монгол, Оросын найрамдлын идэвхтэн зүтгэлтнүүд, ОХУ-ын Ерөнхий консулын тойргийн ажилтан мэргэжилтэнүүдтэй уулзалт хийхээр төлөвлөсөн байна. Б.Чимэдлхам