Сэтэрт хөх адуу 2016-11-09. 22.02 Уул усны эзэд баясдаг гэнэм Унаган наснаас нь түүнийг өргөсөн гэнэм Учир ерөөл дүүрэн тэнгэрийн хөх хүлэг гэж Ухаант буурлууд түүнийг таньдаг гэнэм Дэл нь салхинд хийсэж дэндүү жавхаатай гэнэм Дээдийн их хурдны удам гэж магтуулдаг гэнэм Нутаг усандаа буяны хурыг дууддаг гэнэм Ногоон дарь эх мэт хатуу бүхнийг зөөллөдөг гэнэм Ерэн есөн тэнгэрийг ачиллаж явсан буянаар нь Ертөнцөд түүнийг дархлахыг тэнгэр зарлигдсан гэнэм зээ Холын хол замыг товчлоод тэр туулна Хотлын нялх үрсийн сэвийг тэр үргээнэ Унаган бага наснаасаа уулсаа тэр аргадаж Учир ерөөл дүүрэн хөх тэнгэртээ танигджээ Хөх тэнгэр эрчсээ түүнд буулгаж Хөвчин дэлхий хишгээ эзэнд нь дэлгэрүүлж Уулын сайхан эзний унаа хөлөг хэмээгдэж Улаан наран мэт эрчээр тэтгэгдэж амьдарнам. Монгол түмний мал сэтэрлэх хэмээх сайхан ёс заншлыг хэвээр нь хадгалж яваа ухаан дүүрэн өвгөдтэй, удам гарвал нь төгөлдөр нэгэн гэр бүлд талархлаа өргөе. Монгол түмэн минь байгаль дэлхийтэйгээ хэрхэн харилцахаа мэддэг тун чиг ухаантай ард түмэн билээ. Ард түмний минь заяа тэгш бөгөөд дүүрэг байх болтугай. [sgmb id="1"]