"Архи уудаг хүний гэргийн үг" 2016-11-09 05.30 Үдшийн бүрий болж, гэгээ тасарлаа Үнэндээ сэтгэлд минь бүүдийх гэгээ алга Амраг минь болооч гэж сөгдөж явсан нас чинь Архинд хайр зарлаад аль хэдийнэ надаас холдож Хонгор бяцхан үрс минь аав хэзээ ирэх бол гэж Хором хормыг тоолон бүлтэгнэж суугааг харахаар Хажууд минь амьдрахгүй байсан бол Хонгор залуу насыг минь юунд ч чи үрэв дээ гэж Хааяа чамаас би хайр нэхмээр санагдана Өглөө бүрийн наранг хамтдаа угтах гэж Өндөр тэнгэрийн саранд хамтдаа эрхлэх гэж Булбарай бяцхан үрсээ хайраар хамт өсгөнөө гэж Бидэн хоёр нэгэн гэрт толгой холбоогүй гэжүү... Өнөөдөр би чамаас асуумаар байна Өөрийг минь хайрлаж явсан тэр сэтгэл чинь Өр зүрхэнд чинь байна уу үгүй юу гэж Өөдөөс чинь харж суугаад Өнгөө алдсан нүдний чинь харцнаас үнэнийг хайж Өчлийг чинь сонсмоор байна Халуун залуу насныхаа хайрыг чамд зориулаагүй гэж үү, би Хань минь болж дэлгэрсэн заяа гэж чамд сөгдөөгүй гэж үү, би Харцанд чинь дурлаад хагацаж чадахгүй нээ гэж Хэлж байсан өдрүүдээ мартлаа гэж үү, чи минь Хөнгөн хөгжмийн эгшигэнд хөл нийлүүлэн бүжиж Хөх тэнгэрийн дор хайртай хэмээн догдолж Би чинийхээ хажуунаас хааашаа ч хэзээ ч холдохгүй гэж Бие сэтгэл хоёрыг минь өөртөө аргамжсан биш үү Шөнө дөлөөр гэртээ хөлчүү орж ирэхэд чинь Сэтгэл минь яаж шархирдгийг чамд өөрт чинь мэдрүүлэх сэн Сэмрээд сэмрээд болохгүй нь ээ, миний энэ л тавилан Сэхээ орж ухаараач дээ, миний нандин хань минь Сархад савнаасаа бусдыг дийлдэг гэдгийг харлаа Сайхан тэр минь надаас алхам алхмаар алгасрах шиг Халуун тэврэлтийг минь лонхтой архиар сольж Хажууд минь тогтохгүй, сархадын хойноос бэдрээд байна Өлзий дэмбэрэл бүрдсэн нарлаг Монгол орондоо Өнөр өтгөн өрх болж сайхан амьдрая гэсэн юм аа Өгөөмөр сэтгэлд чинь нялхарч, хамтдаа амьдрая гэсэн юм Өөдрөг сайхан тавиланг үрсдээ хөглөе гэсэн юм Ээж аавыг чинь хамтдаа өргөюү гэсэн юм Энхэр халуун сэтгэлээ чамтай хуваалцаюу гэсэн юм Сэтгэл зүрхний нандин бүхнээ чамдаа зориулаад Сэргэлэн төрхөнд чинь нүдээ баясааж амьдарюу гэсэн юм... Үргэлжлэл бий... [sgmb id="1"]