Орхон аймагт гэр бүлийн хүчирхийлэл өнгөрсөн оноос 40 хувиар өссөнтэй холбоотой “Гэр бүлийн хүчирхийллийн эрсдлийн түвшин тогтоох” судалгааг аймгийн Цагдаагийн газраас явуулсан байна. Аймгийн хэмжээнд гэр бүлийн хүчирхийлэд байнга өртдөг 640 өрх байгааг дээрх судалгаа харуулжээ. Судалгаагаар их, дунд, бага гэсэн гурван түвшинд хүчирхийллийг хувааж үзсэн байна. Гэр бүлийн хүчирхийлэл үүсэх нөхцөл шалтгаан олон байдаг. Санхүүгийн хараат байдал, гэр бүлийн таагүй харьцаа зэрэг олон нөхцөл шалтгаанаар хүчирхийлэл үүсдэг. Энэхүү судалгаагаар эрэсдэлтэй бүлэгт бүртгэгдсэн иргэдийг хяналтандаа байлгаж, хүчирхийлэгчдэд сургалт сурталчилгаа явуулах, сэтгэл зүйг нь өөрчлөхийг зорьж байна. Гэр бүлийн хүчирхийлэл далд хэлбэрт явагддаг. Харин сүүлийн үед энэ талын мэдээллийг иргэдэд өгсөнөөр Цагдаагийн газарт хандах иргэдийн тоо нэмэгдсэн нь нэг талын сайн үзүүлэлт болжээ. [sgmb id="1"]