Аймгийн Засаг даргын зөвлөлийн 2016 оны XIII хуралдаан Нутгийн удирдлагын ордны бага зааланд эхэллээ. Энэ удаагийн хурлын хэлэлцэх эхний асуудал нь аймгийн эдийн засаг, нийгмийг 2016 онд хөгжүүлэх Үндсэн чиглэлийн урьдчилсан гүйцэтгэл, 2017 онд аймгийн эдийн засаг, нийгмийг хөгжүүлэх Үндсэн чиглэлийн төслийн тухай байлаа. Үүний илтгэгч нь ажлын хэсгийн ахлагч, аймгийн Засаг даргын орлогч А.Түвшинжаргал юм. Хоёрдугаар, аймгийн 2017 оны төсвийн төслийн тухай асуудлыг ЗДТГ-ын Санхүү, төрийн сангийн албаны даргын үүргийг түр орлон гүйцэтгэгч Н.Бямбацэцэг танилцуулах юм. Гуравдугаар асуудал нь аймгийн хэмжээнд газрын харилцааны талаар 2016 онд баримталсан бодлогын хэрэгжилт, 2017 онд баримтлах бодлогын тухай байв. Энэ асуудлыг Хөрөнгө оруулалт, хөгжлийн бодлого, төлөвлөлтийн хэлтсийн дарга Г.Батдэлгэр боловсруулжээ. Дөрөвдүгээрт, “Эрдэнэт шинжлэх ухаан, технологийн парк” орон нутгийн өмчит, аж ахуйн тооцоот үйлдвэрийн газар байгуулах тухай асуудал юм. Үүнийг аймгийн Засаг даргын орлогч С.Батжаргал танилцуулах юм байна. [sgmb id="1"]