“Эрдэнэт үйлдвэр” ХХК-ийн 49 хувийг эзэмшдэг “Mongolian cupper corporation” компанийн зүгээс Орос 19 дүгээр сургуулийн дунд, ахлах ангийн сурагчдад шинэ жилийн бэлэг хэмээн “X phone” утас бэлэглэжээ. Тус сургууль 500 гаруй сурагчтай тэдний дийлэнх нь буюу 300 гаруй нь дунд, ахлах ангийнхан юм. “X phone” утасны хайрцаг, энэ тэрээс нь харвал шинэ жилийн, хүүхдэд зориулсан бэлэг гэхээсээ илүүтэй “Mongolian cupper corporation” компанийн шууд сурталчилгаа гэж ойлгогдож байна. Утасны хайрцган дээр “Mongolian cupper corporation” гэсэн бичгийг хар, улаан өнгийг хослуулан бичжээ. Мөн хайрцагны ар талд “Монголд үйлдвэрлэв Сделано в Монголий” хэмээн цагаан дэвсгэр дээр улаанаар дурайлгажээ. Бичигч би вээр “Mongolian cupper corporation” компани өөрийнхөө лого, үндсэн өнгөө яагаад “Коко кола”-гийн улаан өнгийг суулгасан тухай сонирхсон боловч одоогоор энэ талаар мэдэх, тааварлачих хүн алга байна, Эрдэнэтэд. Энэ компанийнхан шинэ жилийн өдрүүдээр Эрдэнэтчүүдэд бяр хүчээ харуулах гэсэн үү, эсвэл Эрдэнэт хотыг улааруулах гээд байна уу ямартай ч хийсэн зарим нэг ажил нь түмний нүднээ бууж өгөхгүй байгаа бололтой. Тэдний зүгээс хүүхдүүдэд барьсан шинэ жилийн бэлэг иргэдийн сонирхлыг илүү татаж байна. “Mongolian cupper corporation” компанийнхан үнэхээр “X phone- монголиан brand”-ыг сурталчлахаар шийдэв үү, аль эсвэл 49 хувийн эрх мэдлийнхээ хүрээнд ГОК руу шахаа хийж эхлэв үү. “X phone” утас Эрдэнэтийн “Теди” төв дээр 140 мянган төгрөгөөр зарагддаг ажээ. “Монгол брэнд” нэртэй энэхүү гар утсыг Монголд төлөөлөх эрхийг худалдан авсан уу. Түүнийхээ хүрээнд эхний ээлжинд сургуулийн сурагчдад шинэ жилийн бэлэг нэрээр баахан шахаа хийчихэв үү гэх яриа гарч байна. Хамгийн инээдтэй нь “бэлгийн морины шүдийг үздэггүй” гэдэг ч сурагчдын зүгээс “X phone” ухаалаг утсыг голж байгаа дуулдана. Энэ бүхнээс харвал “Mongolian cupper corporation” компанийнхан өөрсдийнхөө нэр, улаан өнгө, логог ямар ч үнээр хамаагүй Эрдэнэтэд нутагшуулахын тулд  ГОК-ын мөнгөөр тонгочиж байх шигээ. [sgmb id="1"]