Эрхэм хүндэт Эрдэнэтчүүд, Орхон аймгийн иргэд, сонгогчид та бүхэндээ айлчлан ирж буй шинэ он, шинэ жилийн баярын мэндийг хүргэе. Агуу түүхийн гэрч болсон хуучин оноо үдэж,  их ирээдүйн эхлэл шинэ онтойгоо учран золгож буй энэ торгон мөчид Эрдэнэтчүүд та бүхэнтэйгээ учран золгож, мэндчилж буйдаа баяртай байна. Улиран одож буй 2016 онд Монголчууд, Эрдэнэтчүүдийн хувьд түүхэн он жил байлаа. Зууны манлай бүтээн байгуулалт болсон төрөлх Эрдэнэт хотынхоо 40 жилийн ойг тэмдэглэн өнгөрүүлж, УИХ, орон нутгийн шат шатны сонгууль болж, өөрсдийн төлөөллөө төрд илгээж, Ази, европын дээд хэмжээний уулзалтыг эх орондоо зохион байгуулж, тамирчид маань “Рио-2016” зуны олимпын тэнгэрт Монголынхоо тугийг мандуулсан гээд олон түүхэн үйл явдлыг нэрлэж болно. Эрдэнэт хотын хөгжил цэцэглэлтэнд өөрийн гар бие, сэтгэл зүрхээ харамгүй зориулсан илгээлтийн эзэд, тэдний үр хүүхдүүд болон уугуул, суугуул иргэд та бүхний минь  өрх бүр аз жаргалтай,  эрүүл энх, ажил хөдөлмөр нь амжилт, бүтээлээр арвин, амьдрал нь тэгш дүүрэн  байхын өлзийтэй ерөөлийг өргөн дэвшүүлье.  Угтах ондоо бүтээлээр дүүрэн Урам тэтгэсэн амжилтаар баян Гэгээн гэрлээр гэр тань гийж Гэрэлт оюунаар ухаан тань тэлж Шинэ жил, шинэ оноо  аз жаргалаар дүүрэн угтаарай. Шинэ жилийн баярын мэнд хүргэе. УЛСЫН ИХ ХУРЛЫН ГИШҮҮН О.СОДБИЛЭГ [sgmb id="1"]