Хот тохижуулах газрын зургаан ажилтныг ирэх сарын 12-ны өдрөөс ажлаасаа гарах мэдэгдлийг тус газрын дарга өгсөн байна. Энэ талаар мэдэгдэл авсан ажилчид Хот тохижуулахын дарга Б.Оюунбаярт гомдолтой байгаагаа илэрхийлж хэвлэлийн бага хурал хийлээ. Хэвлэлийн бага хуралд оролцсон ажилчид “Өөрсдийнх нь орон тоон дээр дур мэдэн ажилтан авсанд гомдолтой байна” гэлээ. Мөн ажлаас халагдах мэдэгдэл аваад байгаа тус газрын Хүний нөөцийн менежер Д.Халтар “Б.Оюунбаяр дарга ажилчдаа гадуурхан доромжилж байна. Хот тохижуулах газрыг удирдаж чадахгүй байна” гэж ярилаа. Ажилчид дараах мэдэгдлийг хийж байна. Уг мэдэгдэлд “Засаг даргын баталсан бүтэц, орон тооноос хэтрүүлж, батлагдаагүй орон тоон дээр нэмж ажилтан авч ажиллуулсан нь холбогдох хууль тогтоомжийг зөрчиж байгаа. Хөдөлмөрийн тухай хуулийн 40.1.1 дэх заалтыг үндэслэсэн” гэж тайлбарлажээ. Хот тохижуулах газрын үйлчлэгч Х.Батгэрэл “Ажлаас халагдах болсонд гомдолтой байна. Ямар үндэслэлээр ажлаас халах гэж байгааг тодорхой болгож өгөхийг хүсч байна. Ажиллаж байгаа хүмүүсийн оронд хүн авсан. Намын үзэл баримтлалаар ингэж халлаа” гэж ярьсан байна. Ц.Ариунчимэг [sgmb id="1"]